Inteko ishinga amategeko y’umuryango w’Ubumwe bw’Uburayi (EU) yasabye Uganda na Tanzania guhagarika iyubakwa ry’umuyoboro mugari w’ibikomoka kuri peteroli uhuza ibi bihugu.
Abagize iyi nteko bateranye kuri uyu wa 15 Nzeri 2022, basobanuye ko uyu mushinga wagizwemo uruhare n’abakuru b’ibihugu byombi ubangamira uburenganzira bw’ikiremwamuntu kandi ngo ushyira mu kaga ibidukikije.
Baboneyeho gusaba ibihugu bigize EU kudaha inkunga yo gufasha Uganda na Tanzania kubaka uyu muyoboro.
Ni ubusabe bwatewe utwatsi n’abagize inteko ishinga amategeko ya Uganda bateranye kuri uyu wa 15 Nzeri, basobanura ko busingiye ku makuru atari yo, kandi ngo buvogera ubusugire bw’ibi bihugu.
Perezida wungirije w’inteko ya Uganda, Thomas Tayebwa yagize ati: “Uyu mwanzuro ugamije kudindiza gukomeza umushinga w’ibikomoka kuri peteroli na gazi wa Uganda n’iterambere ry’ubukungu n’abaturage. Ugaragaza urwego rwo hejuru rw’ubukoloni n’imyumvire ya mpatsibihugu ku busugire bwa Uganda na Tanzania.”
Tayebwa yaboneyeho gusaba inteko ya EU kwisubira kuri uyu mwanzuro, ikubaha ubusugire bwa Uganda na Tanzania n’uburenganzira bwabyo ku mitungo kamere bifite.
Uyu muyoboro wahawe izina EACOP (East African Crude Oil Pipeline) uzaba ufite uburebure bw’ibilometero 1,445. Byateganyijwe ko uzuzura utwaye amashilingi ya Uganda tiliyari 14.
3 Ibitekerezo
victor Kuwa 16/09/22
arko bagashakabuhake baratubonye amatwi barabura kwicara ngobige uko bacukura Itaboraí iwabo narumuwe!! !!!
Subiza ⇾Said Kuwa 16/09/22
Nibyo byifuzo by’abazungu rwose,ahubwo icyaba gitangaje ni uko babishyigikira.Gusa iyi nkuru ntiyuzuye.
Subiza ⇾Izo pipeline zizaba ziva ahagana hehe,zikagera hehe?,Oil yo izaba icukurwa nande hehe?
mr ra Kuwa 16/09/22
Ariko c abagabo bazakomeza gutegeka ibihugu byabo bategeke na Africa koko twemere????
Ibi nibyo umusaza yavuze ati nigute umuntu agutegeka uko uryama murugo rwawe? Ryama gutya, rya gutya,icyara haguruka, murugo rwawe
Subiza ⇾Kandi noneho iwabo byarabayobeye
Ahubwo ninabo bateje intambara bashuka Ukraine ngo nijye kuruhande rwabo kugirango intambara itangire
Ipuuuuuu twarabamenye
Tanga igitekerezo