Abakinnyi b’ikipe ya Sunrise FC barara hasi muri stade mu gihe baba bahurijwe hamwe kugira ngo bitegure imikino imwe n’imwe ya shampiyona y’ikiciro cya mbere mu Rwanda.

Mu gihe abakinnyi b’andi makipe barara muri za hotili mu gihe bari mu mwiherero kuri Sunrise FC ho siko bimeze ahubwo bo birarira hasi muri Sitade.

Igihe ikipe iri kwitegura imikino ya shampiyona, abakinnyi barambura imifariso hasi mu byumba bya sitade ubundi bakiryamira.

Aba bakinnyi bavuga ko batishimiye uburyo barara mu gihe baba bari kwitegura imikino ya shampiyona nk’uko bamwe babibwiye Kigali Today.

Umwe yagize ati: "Ni byo, turara muri stade, ntabwo ari byiza ntabwo nzi niba bariya bantu (abayobozi ) bazi umupira w’amaguru. Tumeze nk’abaturage (baba mu cyaro), ni nayo mpamvu ikipe yitwara nabi pe ariko twakiriye kubana nabyo."

Undi ati: "Menya ko bitoroshye, tuharara nk’iminsi ibiri mbere y’umukino. Turara nabi cyane, biteye isoni."

Amakuru avuga ko Sunrise FC irara muri stade kuva mu mwaka w’imikino wa 2022-2023 itozwa na Seninga Innocent

Sunrise FC yemeza ko baza kurara muri stade kubera ko yubatse neza kandi irimo ibintu byose nk’uko byatangajwe n’Umunyamabanga Mukura, Buseruka Alphonse.

Biteganyijwe ko kuri uyu wa Gatatu tariki ya 3 Mata 2024, Sunrise FC irasura Kiyovu Sports saa cyenda zuzuye kuri Kigali Pelé Stadium mu mukino w’umunsi wa 26 wa shampiyona.

Iyi kipe ibarizwa mu karere ka Nyagatare iri ku mwanya wa 14 n’amanota 26 mu makipe 16.

Amafoto yasohowe na Kigali Today yerekana abakinnyi bafite imifariso yabo bari kugenda bayirambura mu byumba aho barara

Izindi Nkuru Bijyanye

Abakinnyi ba Manchester United banze kwambara amakoti ashyigikira abatinganyi

Nduhungirehe na Minisitiri w’Intebe w’u Bwongereza bashyigikiye Arsenal itsinda Man United

FIFA yasabwe kwima Arabie Saoudite uburenganzira bwo kwakira Igikombe cy’Isi