Abasirikare 15 bo mu karere ka 11 ka gisirikare k’Igisirikare cya Repubulika ya Demokarasi ya Congo baguye mu mirwano ikaze yabahuje n’inyeshyamba za Mobondo. Ibi byabereye ku munsi wo ku Cyumweru, itariki ya 17 Nzeri mu mudugudu wa Mulosi, uherereye hagati ya Kabuba na Batshongo, muri Teritwari ya Kenge mu Ntara ya Kwango.

Aya makuru yatanzwe kuri uyu wa Mbere, itariki ya 18 Nzeri na Adelard Nkisi, Umuvugizi wa Guverinoma y’Intara ya Kwango. Yongeraho ko ku ruhande rw’inyeshyamba hapfuye nibura batatu nk’uko iyi nkuru dukesha Radio Okapi ivuga.

Yagaragaje ko iyi ari imibare y’agateganyo. Adelard Nkisi yongeyeho ko mu midugudu yose yo hafi aho abaturage bahunze, bahunga amarorerwa y’uyu mutwe w’inyeshyamba.

Arahamagarira rero guverinoma nkuru kugarura amahoro n’umutekano muri Kwango no gutabara abo baturage bakuwe mu byabo.

Izindi Nkuru Bijyanye

FARDC nta mbaraga ifite zo guhangana na M23: Jean Pierre Bemba

Dore ibyo Tshisekedi yemereye Kabila kugirango amuhe ubutegetsi

Tshisekedi arashaka kunesha M23 hanyuma akajya gukuraho ubutegetsi bw’u Rwanda: Major wa FARDC