![CAN FINAL:Côte d'Ivoire yazamukiye kuri Mana mfasha yatwaye igikombe](local/cache-vignettes/L1000xH670/ggf3t5ywuaadag1_copy_1024x686-f1806.jpg)
Côte d’Ivoire yatsinze Nigeria ibitego 2-1 yegukana igikombe cya Afurika 2023 ni nyuma y’uko yatsinze yaturukaga inyuma hafi yo gusezererwa, ariyo mpamvu byafashwe nk’ibitangaza.
Côte d’Ivoire yayoboye uyu mukino kuva utangiye kuko ku munota wa 7, Adingra yakase umupira mwiza imbere y’izamu,Max Gradel uramucika.
Ku munota wa 33, Adingra yinjiye mu rubuga rw’amahina,ateye ishoti rikomeye umunyezamu Nwabali awukuramo.
Ni umukino wa nyuma wabereye ku kibuga Alassane Ouattara kuri iki cyumweru taliki 11 Gashyantare2023.Nigeria niyo yafunguye amazamu ku munota wa 37 ku gitego cyatsinzwe na William Troost Ekong ku mutwe.Igice cya mbere cyarangiye ari igitego 1-0.
Mu gice cya kabiri Côte d’Ivoire yagarutse ifite amashagaga byatumye ku munota wa 59, Kessie ahusha igitego cyabazwe,ateye umutwe udakomeye.
Ku munota wa 61 yishyura ibifashijwemo na Frankie Kessie ku mupira wari uvuye muri koloneri yatewe na Simon Adingra.
Ku munota wa 81, Simon Adingra wari hejuru cyane yacenze Aina,akaraga umupira mu rubuga rw’amahina usanga Sebastien Haller awutanga myugariro Bassey, atsinda igitego cy’intsinzi cya Côte d’Ivoire.
Umukino warangiye Côte d’Ivoire itsinze uyu mukino ibitego 2-1.Umukinnyi w’umukino yabaye Simon Adingra waremye uburyo bwose Côte d’Ivoire yabonye ndetse anatanga imipira 2 yavuyemo ibitego.
Iki ni igikombe cya 3 ikipe ya Cote D’Ivoire itwaye,ikaba inganyije na Nigeria yatsinze.
Cote D’Ivoire yazamutse ari iya nyuma muri 4 zahawe amahirwe yo kuzamuka zitsinzwe neza
Ibi yabifashijwemo na Maroc yatsinze Zambia igitego 1-0 naho ubundi yari yatashye.
Mu itsinda A yari kumwe na Guinea Bissau, Equatorial Guinea na Nigeria.
Yatsinze Bissau ibitego 2-0,itsindwa na Nigeria igitego 1-0, hanyuma inyagirwa na Equatorial Guinea ibitego 4-0.
Muri 1/8 yakuyemo ikigugu Senegal kuri penaliti 5-4 nyuma yo kunganya 1-1,muri 1/4 ikuramo Mali iyitsinze ibitego 2-1 hanyuma muri 1/2 ikuramo RDC ku gitego 1-0.
Uwatsinze ibitego byinshi ni Emilio Nsue wa Equatorial Guinea watsinze ibitego 5.Igikombe cy’ibihugu nkiki Cote D’Ivoire yaherukaga kugitwara mu 2015 no mu 1992.
Ibaye iya mbere itwariye iki gikombe iwabo nyuma ya Misiri yabikoze mu 2006.
Tanga igitekerezo