Arkiyepiskopi wa Kigali, Cardinal Antoine Kambanda yahaye Israel Mbonyi impano yo Bibiliya nshya nk’intwaro azakomeza kwifashisha mu rugendo rwe rw’umuziki.
Nyuma y’uko Mbonyi atanze ibyishimo bisendereye mu gitaramo gikomeye cyo kwizihiza Pasika ‘Ewengalie Celebrations’ cyabaye mu ijoro ryo kuri iki Cyumweru, Cardinal Kambanda yahaye Israel Mbonyi impano ya Bibiliya.
Muri iki gitaramo, Cardinal Kambanda yashimye Imana ku bw’ibirori n’ibyishimo bya Pasika ‘ukaduha impano ikomeye y’ijambo ryawe.
Yashimye buri wese witabiriye iki gitaramo mu rwego rwo kwizihiza Pasika ‘ngo tunashyigikire Bibiliya’.
Nyuma y’uko igitaramo kirangiye, Cardinal Kambanda yahuye na Israeli Mbonyi aramushimira kubera ukuntu akoresha impano ye mu gusakaza ubutumwa bw’Imana.
Akimara kumushimira, Cardinal Kambanda yahise amuha impano ya Bibiliya nk’intwaro izamufasha mu rugendo rwe.
Israel Mbonyi yabwiye Inyarwanda ko yishimiye guhabwa iyi mpano yahawe na Cardinal Kambanda.
Ati “Aranshimiye ampa impano ya Bible. Cardinal Kambanda aranejeje cyane. Ambwiye ko twahetse ubutumwa mu ndirimbo tubugeza kure cyane.”
1 Ibitekerezo
kale Kuwa 01/04/24
Mwa banyamakuru mwe mwagiye musuzuma imyandikire yanyu mbere yo kuyisohora? Murabona ukuntu mwanditse Antoine?
Subiza ⇾Tanga igitekerezo