Ku cyumweru, imfungwa zirenga 4000 zo muri Nijeriya zararekuwe mu rwego rwo kugabanya ubucucike bwa gereza muri iki gihugu, nk’uko Minisitiri w’imbere mu gihugu Olubunmi Tunji-Ojo yabitangaje.

Minisitiri mu butumwa yashyize ku rubuga nkoranyambaga rwa X nyuma yo gusura gereza ya Kuje, hafi ya Abuja, ku munsi w’ejo yagize ati: "Twatangaje irekurwa ry’imfungwa 4.068 (...) zafunzwe bazira ko badashoboye kwishyura amande." .

Umuvugizi wa Minisiteri y’imbere mu gihugu, Ajibola Afonja, yatangarije AFP ati: "Gusa imfungwa zifite amande atarenga miliyoni 1 naira (€ 1,113) ni zo zatoranijwe kugira ngo zungukire muri iri tangazo."

Umuvugizi yongeyeho ko Bwana Tunji-Ojo yahagaritse ihazabu ingana na miliyoni 585 naira (651.000 euro) ku badashoboye kubona ubwishyu.

Iki cyemezo kiri mu rwego rwo kugabanya ubucucike buri muri gereza ya Nijeriya nk’uko ngo byari biri mu ntego za Perezida wa Nigeriya, Bola Ahmed Tinubu.

Umukuru w’igihugu yizeye kwinjiza imikorere mishya muri gereza, cyane cyane gukoresha ingamba zitari ugufunga gusa.

Muri Nijeriya, Umuryango w’abibumbye ugaragaza ko umubare w’abantu barenga 147% bafungwa by’agateganyo bityo hakabaho gutegereza imyaka myinshi mbere yo kuburanishwa ari nayo mpamvu ubucucike buri hejuru.

Izindi Nkuru Bijyanye

Twagiramungu wigeze kuba Minisitiri w’Intebe w’u Rwanda yapfuye

Kilorirwe yaramukiye mu mabombe ya FARDC n’amasasu ya M23

UR yiyamye abakomeje gucira urubanza umunyeshuri wayo wafunzwe akekwaho gukuramo inda