![Ibiciro ku isoko mu Rwanda byazamutseho 1.3% 2024](local/cache-vignettes/L1000xH556/gpuavsqx0aa_ya1-5f828-9581a.jpg)
Ikigo cy’Igihugu gishinzwe Ibarurishamibare, NISR, cyatangaje ko ibiciro ku masoko byiyongereyeho 1, 3% muri Gicurasi 2024 ugereranyije na Gicurasi 2023.
Mu gipimo cy’ihindagurika ry’ibiciro mu kwezi kwa Gicurasi 2024, cyatangajwe kuri uyu wa Mbere, NISR yagaragaje ko ugereranyije Gicurasi 2024 na Mata 2024, ibiciro byagabanutseho 1%.
Ni igabanuka bivugwa ko ryatewe ahanini n’ibiciro by’ibiribwa n’ibinyobwa bidasembuye byagabanutseho 2.4%.
Muri Kamena umwaka ushize, Ikigo cy’Igihugu gishinzwe Ibarurishamibare mu Rwanda (NISR), cyatangaje ko ibiciro byiyongereyeho 14.1% mu kwezi kwa Gicurasi 2023, ugereranyije na Gicurasi 2022.
NISR icyo gihe yavuze ko ibiciro mu mijyi byiyongereyeho 14.1% muri Gicurasi 2023 ugereranyije na Gicurasi 2022, mu gihe muri Mata 2023 byari byiyongereyeho 17,8%.
Tanga igitekerezo