Polisi ya Israel yavuze ko abantu batatu bishwe abandi benshi barakomereka nyuma y’uko abantu babiri bitwaje imbunda barasiye ahategerwa bus mu nkengero za Yeruzalemu. Abagabye igitero na bo bishwe.

Polisi yavuze ko abantu 16 bakomerekeye mu iraswa ryo kuri uyu wa Kane. Serivisi zishinzwe ubutabazi muri Israel zavuze ko zihutanye abantu umunani bakomeretse bikabije mu bitaro byegeranye.

Polisi yo mu burengerazuba bwa Yeruzalemu yavuze ko abantu bitwaje imbunda “bageze aho bari mu modoka bitwaje imbunda”, zirimo M16 na pistolet, maze barasa ku mbaga y’abasivili ahategerwa bus.

Polisi yavuze ko abo bagabye igitero, batuye muri Yeruzalemu y’iburasirazuba, “nyuma yaho bishwe n’inzego zishinzwe umutekano n’umusivili wari uri hafi aho”.

Bongeyeho ko amasasu n’intwaro byabonetse mu modoka yabo nk’uko iyi nkuru dukesha Al Jazeera ivuga.

Amashusho ya camera y’umutekano yerekanwe kuri televiziyo ya Channel 12 yo muri Israel yerekanye uko igitero cyagenze. Imodoka yera igaragara ihagaze iruhande rw’aho bus zihagarara. Abagabo babiri bahita basohokamo, bakiruka basatira imbaga y’abantu barasa.

Serivisi ishinzwe ubutabazi ya Magen David Adom yavuze ko umwe mu bahohotewe ari umugore w’imyaka 24. Umugabo w’imyaka 73, wari umeze nabi, yatangajwe ko yapfuye ageze ku kigo nderabuzima cya Shaare Zedek. Ibitangazamakuru byo muri Isiraheli byatangaje ko umuntu wa gatatu na we yapfuye azize ibikomere.

Serivisi ishinzwe imbangukiragutabara yabanje kuvuga ko batanu mu bakomeretse bakomeretse bikomeye naho babiri bakomeretse byoroheje.

Izindi Nkuru Bijyanye

Ingabire Victoire aravugwa mu mugambi wo gushaka guhirika ubutegetsi

U Rwanda rwashyizweho igitutu ngo rufungure abanyapolitiki b’ishyaka rya V. Ingabire

Maj Gen (Rtd) Rutatina arafunzwe