Umutwe wa M23 ku wa Mbere watangaje ko washyizeho ubuyobozi bw’abawushyigikiye baba mu bihugu by’amahanga (Diaspora).
Ni ibikubiye mu itangazo uyu mutwe wasohoye ryashyizweho n’umuvugizi wawo, Lawrence Kanyuka.
Uwagizwe umuyobozi wa Diaspora ya M23 ni Manzi Ngarambe Willy uzaba wungirijwe n’abarimo Muheto Jackson na Muhire John.
Uyu mutwe uvuga ko imikorerer ya Diaspora yawo iri mu rwego rwo kongerera imbaraga imikorere yawo ndetse n’indi bahuriye mu ihuriro Alliance Fleuve Congo.
Intego y’iyo mitwe yose ni ukurwanira ko abaturage b’abanye-Congo bavuga Ikinyarwanda bahabwa uburenganzira bungana n’ubw’abandi mu gihugu cyabo.
Diaspora ya M23 ije yiyongera ku zindi nzego uyu mutwe wagiye ushyiraho, zirimo iz’ubuyobozi yashyize mu bice by’intara ya Kivu y’Amajyaruguru igenzura.
Itangazo ry’uyu mutwe rivuga ko gushyiraho ziriya nzego bigamije ahanini gushyiraho uburyo buhamye bwo gukorera hamwe no kubyaza umusaruro gahunda zisanzweho.
Tanga igitekerezo