![Ramaphosa yategetse SANDF kohereza muri RDC abandi basirikare 2,900](local/cache-vignettes/L1000xH594/d7b8-9lxkayjwhs-7af01-47930.jpg)
Perezida Cyril Ramaphosa wa Afurika y’Epfo akanaba Umugaba w’Ikirenga w’Ingabo z’icyo gihugu, yategetse ko hoherezwa abandi basirikare 2,900 muri Repubulika Iharanira Demokarasi ya Congo.
Ni amakuru yemejwe na Perezidansi ya Afurika y’Epfo, mu itangazo yasohoye ku mugoroba wo ku wa Mbere tariki ya 12 Gashyantare.
Afurika y’Epfo isanzwe ifite muri RDC Ingabo zoherejweyo binyuze mu muryango wa SADC, mu rwego rwo gufasha Igisirikare cy’icyo gihugu guhangana n’inyeshyamba zo mu mutwe wa M23.
Perezidansi ya Afurika y’Epfo mu itangazo yaraye isohoye, yavuze ko kohereza bariya basirikare bandi muri RDC biri mu rwego rwo kuzuza inshingano mpuzamahanga za Afurika y’Epfo mu muryango wa SADC.
Biteganyijwe ko ubutumwa bw’Ingabo za SADC bugomba kugeza mu Ukuboza uyu mwaka, ku ruhande rw’iza Afurika y’Epfo bukazatwara miliyari 2 z’ama-Rands (Frw miliyari 134).
Tanga igitekerezo