Umugabo ufite ubwenegihugu bwa Repubulika ya demokarasi ya Congo, yatawe muriyombi n’inzego zishinzwe umutekano mu Karere ka Rusizi, azira gucuruza amahembe y’inzovu.

Ni umugabo witwa Byamungu Kizungu Claude w’imyaka 39, yafatanwe amahembe y’inzovu afite ibice 41 bipima kg 81.5.

Byamungu yafatiwe neza ku mupaka wa Bugarama, uhuza u Rwanda na Congo, akaba yarafashwe n’urwego rw’i Gihugu rw’u bugenzacyaha tariki ya 26/02/2024 .RIB ruvuga ko yafatanwe amahembe y’inzovu yavuye muri RDC, ahitwa Uvira, akaba yari guca mu Rwanda akabona kwerekera i Goma, mu Ntara ya Kivu y’Amajyaruguru.

Basobanura ko amahembe yari yayahishe mu ikamyo yari itwaye imizigo igiye i Goma, iciye mu Rwanda ngo kuko ariyo nzira ya hafi.

Kuri ubu Byamungu Kizungu Claude afungiye kuri RIB, kuri sitasiyo ya Muganza mu gihe dosiye igitunganywa maze ashikirizwe ubushinjacyaha.

Izindi Nkuru Bijyanye

Inama ya OIF: Tshisekedi yigaragambije kuri Perezida Macron

Mushikiwabo yagize Ndayizeye wabaye Perezida w’u Burundi intumwa ye

Amezi 6 ya FARDC yo kuba yamaze guca FDLR umutwe