Ikipe y’igihugu z’Igihugu, APR FC yateye gapapu Esperanse de Tunis isinyisha Mamadou Lamine Bah ukomoka muri Mali wakiniraga Olympique Béja yo muri Tunisia.
Kuri uyu wa Gatatu tariki ya 10 Nyakanga nibwo byamenyekanye ko APR FC yasinyishije uyu mukinnyi wari uri kwitwara neza muri Tunisia.
Uyu musore yasinyiye APR FC mu ijoro ryo ku wa kabiri tariki ya 9 Nyakanga 2024 mbere y’uko ajya mu mikino Olimpike igiye kubera i Paris mu Bufaransa.
Umuyobozi w’ikipe ya APR FC, Col Karasira Richard yemeza ko uyu musore w’imyaka 22 ukomoka muri Mali azaza muri iyi kipe avuye mu mikino Olimpike igiye kubera i Paris mu Bufaransa.
Bah asanzwe akina mu kibuga hagati asatira cyangwa akanyura ku ruhande iburyo.
Uyu yari kumwe n’ikipe y’igihugu ya Mali y’abatarengeje imyaka 23 yaboneye itike y’imikino Olimpike muri Maroc.
Lamine yifuzwaga n’ikipe ya ’Espérance de Tunis gusa byaje kurangira APR FC imutwaye.
Tanga igitekerezo