Igisirikare cya Uganda (UPDF) cyamaganye ibikubiye muri raporo y’inzobere z’Umuryango w’Abibumbye (ONU) igishinja gufasha inyeshyamba za M23, kivuga ko izo mpuguke zabogamye.
Daily Monitor yasubiyemo amagambo y’Umuvugizi wa UPDF, Brig Gen Felix Kulayigye avuga ko "raporo irabogamye. Ntishingiye ku bushakashatsi. Yifitemo guhengama".
Uyu musirikare yunzemo ko inzobere zakoze iriya raporo "ntizagize uburere bwo mu by’ubwenge [’intellectual discipline’] bwo gushaka uruhande rw’inkuru rwacu cyangwa ngo bakoreshe ubutabera karemano."
Brig Gen Kulayigye yagaragaje ko mu Ukuboza 2023 UPDF yohereje ingabo zayo mu ntara ya Kivu ya Ruguru mu rwego rw’umutwe w’ingabo z’akarere ka Afurika y’Iburasirazuba, bityo ko itahindukiye ngo ifashe inyeshyamba.
Raporo y’Impuguke za Loni iheruka kujya hanze by’impanuka ivuga ko "impuguke za Loni...zabonye ibihamya byemeza ubufasha bamwe muri ba Ofisiye ba UPDF (Igisirikare cya Uganda) na CMI (urwego rushinzwe ubutasi bwa gisirikare) kuri M23".
Ikomeza ivuga ko "amakuru yatanzwe n’intasi ndetse n’abegereye M23 na yo yemeza ko hari abakozi b’ubutasi bwa Uganda bari i Bunagana kuva byibura mu mpera za 2023, mu rwego rwo guhuza ibikorwa n’abayobozi ba M23, kubaha ibikoresho ndetse no gutwara abayobozi ba M23 mu duce igenzura".
Iyo raporo yanavuze ko n’ubwo abakuru ba M23 bafatiwe ibihano na Loni, bagikomeje gukora ingendo banyuze ku kibuga mpuzamahanga cy’indege cya Entebbe muri Uganda.
Iyo raporo by’umwihariko ishyira mu majwi umunyamakuru Andrew Mwenda wegereye ubutegetsi bwa Uganda imushinja kuba ikiraro gihuza M23 n’ubutegetsi bwa Uganda, we akavuga ko ziriya mpuguke zahawe ayo makuru y’ibinyoma na Ambasade ya Leta Zunze Ubumwe za Amerika i Kampala.
RDC imaze igihe ishinja Uganda kuba ifatanya n’u Rwanda guha ubufasha M23.
Kinshasa by’umwihariko ishinja Kampala kuba ingabo zayo zarafashije M23 kwigarurira Umujyi wa Bunagana umaze imyaka irenga ibiri uri mu maboko y’izo nyeshyamba.
3 Ibitekerezo
manirambona j’claude Kuwa 10/07/24
Iyi Congo kabisa iragowe bisankaho yasubiye mubukoroni Aho ibisirikare vy’ihuguvyose birundana muri Congo? Akanakaga kubanye Congo vyerekana k l’ETA ya Congo yananiwe nogutunganya igihugu igatinya nukwemera KO yatsinzwe kurugamba
Subiza ⇾manirambona j’claude Kuwa 10/07/24
Iyi Congo kabisa iragowe bisankaho yasubiye mubukoroni Aho ibisirikare vy’ihuguvyose birundana muri Congo? Akanakaga kubanye Congo vyerekana k l’ETA ya Congo yananiwe nogutunganya igihugu igatinya nukwemera KO yatsinzwe kurugamba
Subiza ⇾manirambona j’claude Kuwa 10/07/24
Iyi Congo kabisa iragowe bisankaho yasubiye mubukoroni Aho ibisirikare vy’ihuguvyose birundana muri Congo? Akanakaga kubanye Congo vyerekana k l’ETA ya Congo yananiwe nogutunganya igihugu igatinya nukwemera KO yatsinzwe kurugamba
Subiza ⇾Tanga igitekerezo