Umuhanda uhuza Akarere ka Muhanga n’aka Ngororero wafunzwe by’agateganyo kubera imvura nyinshi yaguye igatuma Umugezi wa Nyabarongo wuzura ukawurengera.
Iyi mvura yatumye umuhanda ufungwa yaguye mu ijoro ryo kuri uyu wa Gatanu taliki 19 Mata 2023.Gusa uretse uwo muhanda wafunzwe nta makuru yandi yatangajwe niba hari ibindi yaba yangije.
Ikigo cy’igihugu cy’iteganyagihe Meteo-Rwanda cyari cyatangaje ko hateganyijwe imvura idasanzwe mu gice cya kabiri cy’ukwezi kwa Mata.
Ingano y’imvura iteganyijwe izaba iri hejuru gato y’ikigero cy’impuzandengo y’imvura isanzwe igwa, mu bice by’uburengerazuba bw’Igihugu no ku kigero cy’imvura isanzwe igwa mu bice bisigaye by’Igihugu ku kigero cy’impuzandengo y’imvura isanzwe igwa muri iki gice, iri hagati ya milimetero 30 na 100.Imvura iteganyijwe izaturuka ku bushyuhe bwo mu Nyanja y’u Buhinde, hamwe n’imiterere ya buri hantu.
Tanga igitekerezo