Perezida Paul Kagame yishimiye intsinzi iremereye ya Arsenal yakuye imbere ya Chelsea mu mukino wa shampiyona y’ikiciro cya mbere mu Bwongereza.
Ku munsi w’ejo hashize Saa Tatu z’ijoro nibwo ikipe ya Arsenal yari yakiriye Chelsea kuri Emirates Stadium mu mukino wo ku munsi wa 34 wa shampiyona
Muri uyu mukino Arsenal yanyagiye Chelsea ibitego 5-0 byatsinzwe na Leandre Trossard, Declan Rice, Ben White na Kai Havertz.
Kubera iyi ntsinzi iremereye no gukomeza kuyobora urutonde rw’agateganyo rwa shampiyona, byatumye abafana bayo bararana umunezero.
Perezida Kagame yishimiye iyo ntsinzi aho yabyanditse ku rubuga rwe rwa X, yagize ati"Maaan....iyi niyo Arsenal (#Gunners) dukunda.."
Nyuma yo kunyagira Chelsea 5-0, Arsenal yakomeje kuba ku mwanya wa mbere n’amanota 77 mu gihe iyikurikiye Liverpool itari yakina ndetse na Manchester City ya 3 ifite n’umukino w’ikirarane itari yakina.
Tanga igitekerezo