Author: TUYIZERE JD

Raporo: Abatunzi ba miliyoni zirenga 100 z’amadolari mu Rwanda baziyongera kuri 70% mu myaka 10

Raporo nshya y’ibigo New World Wealth na Henley & Partners yerekana ko umubare w’abatunzi ba miliyoni zirenga 100 z’amadolari ya Amerika mu Rwanda ugana ku kwiyongera ku kigero cya 70% kugeza mu mwaka w’2032. Ibi bigo bikora ubushashatsi ku bukungu bw’Isi byagaragaje ko u Rwanda ari cyo gihugu kiri mu muryango wa Afurika y’iburasirazuba (EAC) […]

Kinshasa: Umunyamakuru yegetsweho ikosa ku itangazwa rya Général wapfuye nka komanda w’ingabo

Ibiro bya Perezida wa Repubulika ya Demukarasi ya Congo byasobanuye uko byagenze ngo hatangazwe Général Major Floribert Kisembo Bahemuka wapfuye mu myaka 11 ishize atangazwe nka komanda w’ingabo mu karere ka Nord Equateur. Tariki ya 17 Ukwakira 2022, umunyamakuru yasomeye kuri televiziyo y’igihugu, RTNC, icyemezo cy’Umukuru w’Igihugu ati: “Perezida wa Repubulika yashyize mu myanya ya […]

Perezida wa Madagascar yirukanye Minisitiri amuziza kwamagana u Burusiya

Perezida wa Madagascar, Andry Rajoelina, yirukanye Minisitiri w’ububanyi n’amahanga, Richard Randriamandrato, amuziza gutora umwanzuro wamagana kuba u Burusiya bwariyometseho ibice bine bya Ukraine. Tariki ya 12 Ukwakira 2022, Umuryango w’Abibumbye wakoresheje itora ryo kwamagana iki cyemezo cy’u Burusiya. Ryashyigikiwe n’ibihugu 143 birimo Madagascar, ryangwa n’ibihugu 5, ibindi 35 birifata. Byamenyekanye ko Minisitiri Randriamandrato yatoye uyu […]

Tshisekedi yatangaje ko nta gahunda afite yo kwifashisha abacancuro ba Wagner mu kurwanya inyeshyamba

Perezida wa Repubulika ya Demukarasi ya Congo (RDC), Félix Tshisekedi, yatangaje ko nta gahunda afite yo kwifashisha abacancuro b’umutwe wigenga w’Abarusiya wa Wagner Group mu kurwanya imitwe yitwaje intwaro ihungabanya uburasirazuba bw’igihugu. Yabitangarije mu kiganiro yagiranye n’umunyamakuru Roula Khalaf wa Financial Times ubwo yari yitabiriye inama ya Afurika irebana n’ubukungu yabereye i Londres mu Bwongereza […]

Kenya: Umudepite yemereye akazi umukobwa wamusabiye mu ruhame kumugira umugore

Umudepite uhagarariye agace ka Mumias East mu nteko ishinga amategeko ya Kenya, Peter Salasya, yemereye akazi umukobwa witwa Ronald Lydia wamusabiye mu ruhame kumugira umugore. Uyu mukobwa yavuzweho cyane ku mbuga nkoranyambaga ubwo kuri uyu wa 17 Ukwakira 2022 yagaragaraga afite icyapa kiriho ifoto ya Depite Salasya n’ubutumwa bumusaba kumugira umugore. Ubu butumwa bwagiraga buti: […]

Human Rights Watch yagaragaje uko FARDC yakoranye na FDLR mu gihe cya vuba

Umuryango mpuzamahanga HRW (Human Rights Watch) wasobanuye birambuye uko ingabo za Repubulika ya Demukarasi ya Congo, FARDC, zifatanyije n’umutwe witwaje intwaro wa FDLR urwanya ubutegetsi bw’u Rwanda mu mirwano yabaye mu gihe cya vuba. Raporo uyu muryango washyize hanze kuri uyu wa 18 Ukwakira 2022 isobanura ko hagati ya Gicurasi ya Kanama, FARDC yifatanyije n’imitwe […]

Minisitiri Muyaya abona nta biganiro bikenewe na M23 mu gihe RDC iganira n’u Rwanda

Minisitiri w’itumanaho akaba n’Umuvugizi wa guverinoma ya Repubulika ya Demukarasi ya Congo (RDC), Patrick Muyaya, yatangaje ko nta biganiro bikenewe hagati y’ubutegetsi bw’igihugu cyabo n’umutwe witwaje intwaro wa M23 mu gihe busanzwe bubigirana n’ubw’u Rwanda. Mu kiganiro yagiranye n’abanyamakuru i Kinshasa kuri uyu wa 17 Ukwakira 2022, umwe yamenyesheje Minisitiri Muyaya ko intumwa ya Perezida […]

EU iracyiga ku buryo yatera inkunga ingabo z’u Rwanda ziri muri Mozambique

Umuryango w’Ubumwe bw’Uburayi (EU) uracyiga ku buryo watera inkunga y’amafaranga ibikorwa by’ingabo z’u Rwanda zagiye kugarura amahoro mu ntara ya Cabo Delgado muri Mozambique. Iki gitekerezo cyatangajwe bwa mbere muri Mutarama 2022, mu gihe EU yanateganyaga gutera inkunga ingabo ziri mu butumwa bw’amahoro bw’umuryango wa Afurika y’amajyepfo, SADC, muri iyi ntara yugarijwe n’ibikorwa by’iterabwoba kuva […]

M23 yerekanye Colonel Byamungu uherutse gucika igisirikare cya RDC

Umutwe witwaje intwaro wa M23 werekanye Colonel Maheshe Byamungu Bernard uherutse gucika igisirikare cya Repubulika ya Demukarasi ya Congo, FARDC, cyari kimufungishije ijisho. Uyu musirikare yigeze gufungirwa muri gereza y’igisirikare mu 2012 azira kuba umwe mu bari bagize M23, afungurwa mu 2019 amaze guhabwa imbabazi na Perezida wa RD Congo, Félix Tshisekedi Tshilombo wari ugiye […]

VP Gachagua yemereye akazi mu biro bye umukobwa wamwise Riggy G

Visi Perezida wa Kenya, Rigathi Gachagua, yemereye akazi mu biro bye umukobwa witwa Ivy Chelimo wamwise izina ry’akabyiniriro rya Riggy G ahamya ko rituma urubyiruko rumwiyumvamo. VP Gachagua yatanze iri sezerano kuri uyu wa 17 Ukwakira 2022, aritangaza ku mugaragaro ubwo yitabiraga umunsi mpuzamahanga wahariwe ibiribwa wizihirijwe mu karere ka Kajiado. Nk’umushyitsi mukuru, Gachagua yasabye […]

Kampala: Ikizamini cyanyomoje Kabanda waregaga ibitaro kumwiba impyiko

Ikizamini cyo kwa muganga cyanyomoje umusore w’imyaka 25 y’amavuko witwa Kabanda Muhammad washinjaga ibitaro bya Old Kampala kumwiba impyiko y’ibumoso. Kabanda yasobanuriye urwego rwa Polisi rushinzwe ubugenzacyaha ko yakoze impanuka mu mpera za Nzeri 2022, akomereka ku mutwe, ajyanwa kwivuriza ibikomere muri ibi bitaro. Umuganga Dr Mugalu Alex yamukoreye operasiyo (kumubaga) yo ku gahanga tariki […]

Umwongerezakazi arigamba gufungisha konte za Twitter z’Abanyarwanda ‘bamwibasira’

Umunyamakuru w’Umwongerezakazi uzwiho kwibasira ubutegetsi bw’u Rwanda, Michela Wrong, arigamba gufungisha konte za Twitter z’Abanyarwanda babiri avuga ko bamwibasira. Wrong wakoreye ibinyamakuru birimo BBC na The Financial Times ku mugabane wa Afurika yatangaje aya makuru kuri uyu wa 16 Ukwakira 2022, agira ati: “Konte ebyiri nareze z’Abanyarwanda banyibasira zarahagaritswe mu minsi mike ishize.” Yakomeje agira […]

RDC: Ba Colonel babiri bashinjwa gutuma M23 ifata Bunagana no kuyisigira intwaro

Abasirikare babiri bafite ipeti rya Colonel bakurikiranwe n’ubushinjacyaha bw’igisirikare ku rwego rw’intara ya Kivu y’Amajyaruguru muri Repubulika ya Demukarasi ya Congo (RDC) bashinjwa gutuma umutwe witwaje intwaro wa M23 ufata agace ka Bunagana no kuwusigira ibikoresho birimo intwaro. Aba basirikare ni Colonel Désiré Lobo uyobora rejima ya 3412 na Colonel Jean Marie Diadia wa Diadia […]

Inama mpuzamahanga 2 i Kigali, ihagarikwa rya batatu muri RURA na mwarimu ukekwaho kwica undi: inkuru z’icyumweru

Icyumweru gishize cyatangiye tariki ya 10 Ukwakira 2022 cyaranzwe n’inkuru nyamukuru zerekeye umutekano, politiki n’ubutabera. Harimo: Inama ya IPU na Youth Connekt Africa mu Rwanda I Kigali habereye inama y’ihuriro mpuzamahanga ry’inteko zishinga amategeko ku Isi rizwi nka IPU ndetse n’inama y’urubyiruko rwo ku mugabane wa Afurika izwi nka Youth Connekt Africa yabaye ku nshuro […]

Kigali: Urukiko rwatesheje agaciro ubujurire bw’uwaregaga KINA MUSIC na Nel Ngabo

Urukiko Rukuru rw’Ubucuruzi rwatesheje agaciro ubujurire bw’umunyabugeni Kwizera Elysee waregaga inzu y’umuziki ya KINA MUSIC Ltd iyoborwa na Ishimwe Clement n’umuhanzi ireberera inyungu, Rwangabo Byusa Nelson uzwi nka Nel Ngabo. Ni umwanzuro wasomwe n’umucamanza mu rukiko rukuru rw’ubucuruzi, Noheli Emmanuel tariki ya 23 Nzeri 2022 wari kumwe n’umwanditsi w’urukiko, Nyinawankusi Francine. Uru rukiko kandi rwategetse […]

Mozambique: RDF yavumbuye intwaro nyinshi zari zarahishwe n’ibyihebe

Ingabo z’u Rwanda ziri mu butumwa bw’amahoro mu ntara ya Cabo Delgado muri Mozambique zatahuye intwaro nyinshi n’amasasu byari byarahishwe n’abarwanyi b’umutwe w’iterabwoba ukorerayo witwa Ansar Al sunna. Ibiro bya RDF byatangaje ko izi ntwaro zirenga 100 zirimo imbunda ntoya, amasasu mato na za roketi. Ngo bi byihebe byazihishe mu mwaka ushize ubwo byirukankanwaga mu […]

Museveni yaciriye umuhungu we umurongo ntarengwa

Perezida wa Uganda, Yoweri Kaguta Museveni, yagaragaje ko yaciriye umuhungu we General Muhoozi Kainerugaba umurongo ntarengwa ku ikoreshwa ry’urubuga rwa Twitter. Ni nyuma y’ubutumwa Kainerugaba wabaye Umugaba w’ingabo zirwanira ku butaka aherutse gutangariza kuri uru rubuga avuga ko we n’ingabo ze bafata umurwa mukuru wa Kenya, Nairobi, muu gihe kitageze ku byumweru bibiri. Ubu butumwa […]

Hagati y’u Burundi n’u Rwanda hasigaye ikibazo gito, na cyo tuzagikemura: Perezida Ndayishimiye

Perezida w’u Burundi akaba n’Umuyobozi Mukuru w’umuryango wa Afurika y’iburasirazuba (EAC), Evariste Ndayishimiye, yatangaje ko hagati y’igihugu cye n’u Rwanda hasigaye ikibazo gito kitarakemuka, kandi ko yizeye ko na cyo kizakemuka. Perezida Ndayishimiye yabivugiye mu kiganiro aherutse kugirana n’umunyamakuru wa televiziyo NTV yo muri Uganda muri iki cyumweru ubwo yari mu ruzinduko muri iki gihugu. […]

Bobi Wine aremeza ko Museveni ameze nka Putin

Umunyapolitiki Robert Kyagulanyi Ssentamu (Bobi Wine) utavuga rumwe n’ubutegetsi bwa Uganda, aremeza imitegekere ya Perezida Yoweri Museveni imeze nk’iya mugenzi we uyobora u Burusiya, Vladimir Putin. Ni ibyo yatangarije mu kiganiro yagiranye n’umunyamakuru wa radiyo mpuzamahanga y’Abafaransa (RFI) cyari cyerekeye ahanini ku ruzinduko aherutse kugirira mu bice bitandukanye bya Ukraine byagabweho ibitero n’ingabo z’u Burusiya. […]

M23 yerekanye ko Leta ya RDC yateye utwatsi ubusabe bw’amahanga

Umutwe witwaje intwaro wa M23 werekanye ko ubutegetsi bwa Repubulika ya Demukarasi ya Congo (RDC) bwateye utwatsi ubusabe bw’amahanga bwo kujya mu biganiro by’amahoro. Bigaragara mu itangazo ryo ku wa 14 Ukwakira 2022 ryashyizweho umukono n’Umuvugizi wa M23 ku rwego rwa politiki, Lawrence Kanyuka, rivuga ku magambo aherutse gutangazwa n’intumwa ya Perezida wa RDC, Prof. […]

Perezida Ndayishimiye yariye karungu ubwo yasuraga inyubako yatinze kuzura

Perezida w’u Burundi, Evariste Ndayishimiye, yarakaye cyane ubwo yasuraga ahari kubakwa icyumba cy’inama mpuzamahanga mu gace ka Rohero mu ntara ya Bujumbura, agasanga ibikorwa biri kugenda gake cyane. Uyu Mukuru w’Igihugu yasuye mu buryo butunguranye ibi bikorwa biri mu nshingano y’ikigo cy’ubwubatsi OBUHA, asanga bikiri hasi kandi byakabaye bigeze kure. Yahageze, aritegereza maze abaza umufundi […]

U Bwongereza bwasabye imbabazi umwimukira utwite bwari bwamenyesheje ko buzamwoherezwa mu Rwanda

Ibiro by’u Bwongereza bishinzwe umutekano w’imbere (Home Office) byasabye imbabazi umwimukira w’imyaka 28 utwite inda yakomotse ku gusambanywa ku ngufu, nyuma yo kumumenyesha ko ari ku rutonde rw’abazoherezwa mu Rwanda. Tariki ya 13 Ukwakira 2022, ikinyamakuru The Guardian na ITV News byahishuye ko byabonye ibaruwa ibi biro byoherereje uyu mugore utwite inda y’ibyumweru 37, imumenyesha […]

Burundi: Inyeshyamba zikomoka mu Rwanda zigera kuri 40 ziherutse kwicwa

Ingabo z’u Burundi zishe abarwanyi bagera kuri 40 bo mu mutwe witwaje intwaro w’abavuga ururimi rw’Ikinyarwanda mu mirwano imaze iminsi ibera mu ishyamba rya Kibira, ahaherera mu ntara ya Cibitoke. Urubuga SOS Medias ruvuga ko amakuru rukesha igisirikare cy’u Burundi avuga ko aba barwanyi biciwe mu gace ka Bukinanyana muri komini ya Mabayi. Aya makuru […]

Imanza ziyongera ku muvuduko mwinshi, ibirarane bikaba byinshi: Dr Ntezilyayo

Perezida w’urukiko rw’ikirenga, Dr Ntezilyayo Faustin, yatangaje imwe mu mbogamizi zikomeye urwego rw’ubucamanza ruhura na zo zirimo kuba imanza ziyongera ariko umubare w’abacamanza ntiwiyongere. Dr Ntezilyayo yabitangaje kuri uyu wa 14 Ukwakira 2022 ubwo ku rukiko rw’ikirenga hatangizwaga umwaka wahariwe ubucamanza w’2022/2023. Ni igikorwa cyitabiriwe n’abafatanyabikorwa bahuriye mu runana rw’ubutabera. Yagize ati: “N’ubwo urwego rw’ubucamanza […]

RDC iremeza ko M23 irusha imbaraga ingabo za EAC zizoherezwayo

Ubutegetsi bwa Repubulika ya Demukarasi ya Congo (RDC) buremeza ko umutwe witwaje intwaro wa M23 urusha imbagara ingabo z’ibihugu bigize umuryango wa Afurika y’iburasirazuba (EAC) zizoherezwa mu ntara ya Kivu y’Amajyaruguru, Kivu y’Amajyepfo na Ituri. Byatangajwe n’intumwa nkuru ya Perezida wa RDC mu mishyikirano ya Leta n’imitwe yitwaje intwaro, Prof. Serge Tshibangu Kalala, mu kiganiro […]

Kigali: Abashingamategeko b’Abafaransa bavugirije induru Umurusiya wasobanuraga ikibazo cyo muri Ukraine

Abagize inteko ishinga amategeko y’u Bufaransa bahagarariye igihugu cyabo mu nama y’ihuriro ry’Inteko zo ku Isi izwi nka IPU iri kubera mu Rwanda bavugirije induru senateri w’u Burusiya, Konstantin Iosifovich Kosachev. Muri iyi nama yari ikomereje muri Kigali Convention Center kuri uyu wa 13 Ukwakira 2022, Senateri Kosachev yumvikanishije bagenzi be impamvu u Burusiya bwatangije […]

General uzayobora urwego ruzakora iperereza ku birego bya RDC n’u Rwanda yageze i Kinshasa

Umusirikare w’ipeti rya General wo muri Angola uzayobora urwego ruzakora iperereza ku birego bya Repubulika ya Demukarasi ya Congo (RDC) n’u Rwanda, yamaze kugera i Kinshasa. Uyu musirikare, Gen. Joao Massone, kuri uyu wa 13 Ukwakira 2022 yajyanye i Kinshasa n’abandi bagize itsinda ryahagarariye guverinoma ya Angola riyobowe na Minisitiri w’ububanyi n’amahanga, Ambasaderi Antonio Tété. […]

Kinshasa: Umudepite arashinja Abashinwa gukora Covid-19 hanyuma bagakumira Abanyekongo kujya mu Bushinwa

Umudepite muri Repubulika ya Demukarasi ya Congo (RDC) witwa Éliézer Ntambwe Mposhi arashinja Abashinwa gukora icyorezo cya Covid-19 bwamara bugakumira Abanyakongo ngo batajya mu Bushinwa bakabanduza. Yabimenyesheje Minisitiri w’ububanyi n’amahanga, Christophe Lutundula, mu gihe kuri uyu wa 12 Ukwakira 2022 u Bushinwa bwizihizaga imyaka 50 bumaze bubanye neza na RDC. Yagize ati: “Imyaka itatu u […]

Nyaruguru: Umwarimu akurikiranweho kwica mugenzi we amukubise icupa ry’inzoga

Umwarimu ukorera mu karere ka Nyaruguru witwa Nyamwasa Janvier arakekwaho kwica mugenzi we Ndabakuranye Bonaventure bari inshuti amukubise icupa ry’inzoga mu mutwe, biturutse ku gushyamirana bagiranye ubwo basangiriraga mu kabari. Amakuru agera kuri BWIZA avuga ko Nyamwasa na Ndabakuranye bavuye mu kazi kuri uyu wa 12 Ukwakira 2022, bajya kunywera mu kabari mu isantere y’ubucuruzi […]

M23 irasaba kudahezwa mu biganiro biyireba bihuza RDC n’ibindi bihugu

Umutwe witwaje intwaro wa M23 urasaba kudakomeza guhezwa mu biganiro biwureba bihuza ubutegetsi bwa Repubulika ya Demukarasi ya Congo (RDC) n’ubw’ibindi bihugu birimo u Rwanda. Byatangajwe n’Umuvugizi w’uyu mutwe mu rwego rwa politiki, Lawrence Kanyuka, mu kiganiro yagiranye n’umunyamakuru Christophe Rigaud w’ikinyamakuru Afrikarabia gikorera muri RDC no mu karere ka Afurika yo hagati. Kanyuka yagize […]

Nyamasheke: Padiri Iyakaremye wari umaze amezi atatu ahawe ubupadiri yapfuye

Padiri Iyakaremye Berchair wari umaze amezi atatu ahawe ubupadiri yapfiriye mu bitaro bya Bushenge mu karere ka Nyamasheke mu gitondo cy’uyu wa 13 Ukwakira 2022, azize uburwayi. Ni amakuru yemejwe n’ikinyamakuru cy’inama y’Abepisikopi mu Rwanda, Kinyamateka, cyagize kiti: “Padiri Berchair IYAKAREMYE, wa Diyosezi ya Cyangugu yitabye Imana azize indwara. Nyuma y’amezi atatu gusa ahawe ubupadiri.” […]

Visi Perezida wa Kenya yazanye mu Rwanda n’abadepite barimo ufite imyaka 24

Visi Perezida wa Kenya, Rigathi Gachagua, yafashe indege y’igisirikare imwerekeza i Kigali mu Rwanda aherekejwe n’abayobozi 12 bakiri bato barimo umudepite w’imyaka 24 y’amavuko Linet Chepkorir Toto uhagarariye akarere ka Bomet mu nteko ishinga amategeko. Uyu muyobozi ugiriye uruzinduko rwa mbere mu mahanga kuva yatangira iyi nshingano, yaje mu Rwanda mu nama ihuza urubyiruko ku […]

Minisitiri Tete wo muri Angola ategerejwe muri RDC muri gahunda ireba u Rwanda

Minisitiri w’ububanyi n’amahanga wa Angola, Ambasaderi Tete Antonio, ategerejwe muri Repubulika ya Demukarasi ya Congo (RDC) kuri uyu wa 13 Ukwakira muri gahunda ireba u Rwanda. Ikinyamakuru Infos gisobanura ko amakuru cyakuye muri Ambasade ya Angola ari uko Minisitiri Tete araba agiye muri gahunda y’ishyirwa mu bikorwa ry’imyanzuro yafatiwe mu biganiro byahuje Perezida wa RDC, […]

Victoire Ingabire yasuwe n’umuhungu we baherukanaga mu myaka 12 ishize

Umunyapolitiki utavuga rumwe n’ubutegetsi bw’u Rwanda, Ingabire Umuhoza Victoire yasuwe n’umuhungu we Rist Shimwa Muyizere baherukanaga mu mwaka w’2010 ubwo yari afite imyaka 8 y’amavuko. Ingabire kuri uyu wa 13 Ukwakira 2022 yashyize kuri Twitter ifoto ari kumwe n’umuhungu we ku kibuga cy’indege mpuzamahanga cya Kigali, maze yongeraho ubutumwa bugira buti: “Nyuma y’imyaka 12, mfite […]

Mu Bwongereza: Abimukira b’abana barenga 100 bari baracumbikiwe mu mahoteli baburiwe irengero

Ibiro bya Leta y’u Bwongereza bishinzwe umutekano w’imbere byasohoye raporo igaragaza ko mu gihe cy’amezi 14, abimukira batarageza ku myaka 18 y’amavuko bari baracumbikiwe mu mahoteli baburiwe irengero. Ikinyamakuru BBC kivuga ko kuva muri Nyakanga 2021 kugera muri Kamena 2022, mu Bwongereza hinjiye abimukira b’abana 1606 barimo n’abafite imyaka 11 y’amavuko batari kumwe n’abakuru, bajyanwa […]

General Shirreff wayoboye ingabo za NATO yateguje Isi intambara y’intwaro kirimbuzi

Umwongereza General (Rtd) Sir Richard Shirreff wigeze kuyobora ingabo z’umuryango NATO yateguje Isi ko intambara y’intwaro kirimbuzi ishoboka mu gihe ingabo z’u Burusiya zihanganye n’iza Ukraine zizaba zitsinzwe kandi ngo umwaka w’2023 ntuzagera zitaratsindwa. Uyu musirikare yavuze ko ingabo z’u Burusiya zigiye guhura no gutsindwa kwa mbere gukomeye mu myaka 100 ishize kandi ngo birashoboka […]

Umuvandimwe wa Katumbi yamuteye umugongo, ayoboka Tshisekedi

Umunyapolitiki wo muri Repubulika ya Demukarasi ya Congo (RDC) washinje ishyaka Ensemble yatewe n’umuvandimwe we Soriano Kitanika Abraham usanzwe ari umudepite mu nteko ishinga amategeko y’iki gihugu. Abadepite 34 bahagarariye igice cya Grand Katanga kigizwe n’intara ya Haut Katanga [iwabo wa Katumbi), Haut-Lomami, Lualaba na Tanganyika, kuri uyu wa 11 Ukwakira bashyize umukono ku itangazo […]

Mukuralinda yasobanuye impamvu Prince Kid atakurikiranweho icyaha Perezida Kagame yamuvuzeho

Umuvugizi wungirije wa guverinoma y’u Rwanda usanzwe ari n’inzobere mu mategeko, Alain Mukuralinda, yasobanuye impamvu Ishimwe Dieudonné wamenyekanye nka Prince Kid atakurikiranweho icyaha yavuzweho na Perezida Paul Kagame cyo gucuruza abakobwa. Tariki ya 30 Mata 2022 ubwo yari mu nama nkuru y’umuryango FPR Inkotanyi, Perezida Kagame yahishuye ko Prince Kid watawe muri yombi na RIB […]

U Burusiya bwataye muri yombi abarenga 8 bushinja kugaba igitero ku kiraro cya Crimea

Urwego rushinzwe umutekano w’igihugu mu Burusiya rwataye muri yombi abantu umunani rushinja gutegura igitero byagabwe ku kiraro cya Crimea tariki ya 8 Ukwakira 2022. Abatawe muri yombi nk’uko ibiro ntaramakuru TASS bibivuga barimo Abarusiya batanu, Abanya-Ukraine batatu ndetse n’abo muri Armenia nk’uko uru rwego ruzwi nka FSB rwabitangaje kuri uyu wa 12 Ukwakira. Ruti: “Abenegihugu […]

Mu Nteko ya EU, hahishuwe ibanga rikomeye ku rukingo rwa Pfizer

Mu ibazwa ryakozwe na komite y’inteko ishinga amategeko y’umuryango w’ubumwe bw’Uburayi (EU) ishinzwe kurwanya icyorezo cya Covid-19, ku wa 10 Ukwakira 2022 hahishuwe ibanga rikomeye ku rukingo rwa Pfizer. Umudepite Robert Roos uhagarariye u Buholandi muri iyi nteko, yabajije Janine Small ushinzwe amasoko muri Pfizer niba mbere y’uko uru rukingo rugera ku isoko, harabanje gukorwa […]

Mukuralinda abona amagambo y’Abanyekongo asa n’agamije kubangamira ibyemezo bya EAC

Umuvugizi wungirije wa guverinoma y’u Rwanda, Alain Mukuralinda abona amagambo abategetsi bo muri Repubulika ya Demukarasi ya Congo (RDC) asa n’agamije kubangamira ibyemezo byafashwe n’abakuru b’ibihugu bigize umuryango wa Afurika y’iburasirazuba, EAC. Mukuralinda mu kiganiro yagiriye kuri Primo Media Rwanda, yasabwe kuvuga ku makuru yavuzwe ko abakomando 150 b’u Rwanda bari mu butumwa bw’amahoro muri […]

Ingabire Victoire yakiriye abo mu Nteko y’u Buholandi bari mu Rwanda

Umunyapolitiki Ingabire Umuhoza Victoire utavuga rumwe n’ubutegetsi bw’u Rwanda yakiriye Depite Agnes Mulder na Senateri Joob Atsma bagize Inteko ishinga amategeko y’u Buholandi. Mulder na Atsma baje mu Rwanda kwitabira inama mpuzamahanga ihuza abahagarariye Inteko z’ibihugu bitandukanye ku Isi, IPU (Inter-Parliamentary Union) iri kubera i Kigali guhera kuri uyu wa 11 Ukwakira 2022. Ingabire yatangaje […]

Biden yasezeranyije Ukraine ubwirinzi buhambaye bw’ibitero byo mu kirere

Perezida wa Leta zunze ubumwe za Amerika (USA), Joe Biden, yijeje mugenzi we wa Ukraine, Volodymyr Zelensky, ubwirinzi buhambaya bw’ibitero bituruka mu kirere nyuma y’ibisasu ingabo z’u Burusiya zarashe kuri uyu wa 10 Ukwakira 2022. Ubwo ingabo z’u Burusiya zari zimaze kugaba ibitero byo mu ntera ndende mu bice bitandukanye bya Ukraine, Biden na Zelensky […]

Umukinnyi yirukanwe ashinjwa kurogesha mugenzi we wifuzwaga na Rayon Sports

Ikipe ya Le Messager Ngozi iri mu cyiciro cya mbere cy’umupira w’amaguru mu Burundi yirukanye umuzamu wayo wa kabiri, Ndikumana Alain, imushinja kurogesha mugenzi we ubanza mu kibuga, Rukundo Onésime wifuzwaga na Rayon Sports mu Rwanda. Rukundo usanzwe ari umuzamu w’ikipe y’igihugu, mu kiganiro yagiranye n’urubuga Yaga, yasobanuye ko byose byatangiye ubwo yari yaje mu […]

Mike Sonko wayoboye Nairobi yahaye urwamenyo abaparakomando ba Uganda

Mike Sonko wabaye Guverineri w’intara ya Nairobi muri Kenya yahaye urwamenyo abaparakomando ba Uganda bakoze imyiyerekano mu birori byo kwizihiza umunsi w’ubwigenge. Muri ibi birori byabereye i Kampala tariki ya 9 Ukwakira 2022, aba baparakomando bagaragaye bagendera mu mitaka, ariko bamwe muri bo ntibyabagendekeye neza kuko bakoze impanuka, bagwa aho batateganyije. Byatumye Sonko yibutsa Abanyakenya […]

Putin yateguje Ukraine ibindi bitero nyuma y’ibisasu byarashwe mu bice bitandukanye

Perezida w’u Burusiya, Vladimir Putin, yatangaje ko ingabo za Leta zagabye ibitero byo mu ntera ndende ku bikorwa by’ingenzi bya Ukraine mu rwego rwo kwihorera ku cyagabwe ku kiraro cyo muri Crimea tariki ya 8 Ukwakira 2022. Uyu Mukuru w’Igihugu mu itangazo yashyize hanze mu kanya gashize nyuma y’ibitero bitandukanye byagabwe mu bice bitandukanye bya […]

Perezida Ndayishimiye abona igihe kigeze ngo ibihugu bya EAC byunge ubumwe

Perezida wa Repubulika y’u Burundi usanzwe ari n’Umuyobozi Mukuru w’umuryango wa Afurika y’iburasirazuba (EAC), Evariste Ndayishimiye abona igihe kigeze ngo ibihugu biwugize byunge ubumwe. Ni ubutumwa bwaranze ijambo yavugiye mu birori byo kwizihiza imyaka 60 Uganda imaze ibonye ubwigenge, byabereye ku kibuga cya Kololo kuri uyu wa 9 Ukwakira 2022. Yagize ati: “Icyifuzo cyanjye cyiza […]

LUCHA iri kubarira Leta ya RDC iminsi imaze yambuwe Bunagana

Umuryango LUCHA uharanira inyungu z’Abanyekongo uri kubarira ubutegetsi bwa Repubulika ya Demukarasi ya Congo (RDC) iminsi bumaze butarakora ibishoboka ko bwisubize umujyi wa Bunagana umaze amezi atatu arengaho iminsi uri mu maboko y’umutwe witwaje intwaro wa M23. Mu bisa no gushyira igitutu kuri Leta ya RDC, uyu muryango buri munsi uri gukora ubukangurambaga bwo kuyibutsa […]

Prince Kid wasabiwe imyaka 16, ifungurwa ry’abanyamakuru 3 n’impinduka zikomeye muri FARDC: inkuru z’icyumweru

Icyumweru gishize cyatangiye tariki ya 3 Ukwakira 2022 cyaranzwe n’inkuru nyamukuru zerekeye ku butabera, umutekano na politiki. Harimo ko: Prince Kid yasabiwe gufungwa imyaka 16 Ubushinjacyaha tariki ya 5 Ukwakira bwasabiye Ishimwe Dieudonné uzwi nka Prince Kid wateguraga irushanwa rya Miss Rwanda imyaka 16 y’igifungo. Ni ubusabe bwatangiwe mu iburanisha ryabereye mu muhezo mu rukiko […]

Uganda: Hari ahantu abagore batemerewe kugendera imbere mu makamyo

Ihuriro ry’abatwara amakamyo mu karere ka Lira muri Uganda ryashyizweho itegeko ry’uko nta mugore wemerewe kugendera mu mwanya w’imbere (cabin) mu rwego rwo gukumira impanuka. Abarebwa n’iki kibazo batangarije BBC yo iri tegeko ryashyizweho mu ntangiriro z’uyu mwaka nyuma y’impanuka 9 zari zimaze kubera muri aka karere, abagore bagashinjwa kuba intandaro yazo. Bernard Anyieko uri […]

Perezida Ruto abona imipaka y’ibihugu bya EAC ikwiye kubihuza aho kubitandukanya

Perezida wa Kenya, Dr William Samoei Ruto, yatangaje ko imipaka y’ibihugu bigize umuryango w’akarere ka Afurika y’iburasirazuba (EAC) ikwiye kubihuza nk’ikiraro, aho kubitandukanya. Ni ijambo uyu Mukuru w’Igihugu yavugiye mu birori byo kwizihiza imyaka 60 Uganda imaze ibonye ubwigenge byabereye ku kibuga cya Kololo, i Kampala kuri uyu wa 9 Ukwakira 2022. Perezida Ruto yasabye […]

NATO iri kuduha intwaro, murinde u Burusiya igisebo: Minisitiri w’ingabo wa Ukraine

Minisitiri w’ingabo wa Ukraine, Oleksiy Reznikov, yasabye abasirikare b’u Burusiya bari ku rugamba kumanika amaboko mu rwego yise urwo kurinda igisebo ingabo zabo n’igihugu cyabo. Uyu muyobozi mu ijambo yatangaje tariki ya 7 Ukwakira 2022, yavuze ko ingabo za Ukraine ziri gukubita incuro iz’u Burusiya kuri uru rugamba, asobanura ko zibikesha ibikoresho ziri guhabwa n’ibihugu […]

Umushoferi Polisi yemeza ko yari afite ikamyo yacomotse feri akurikiranweho icyaha cya ruswa

Polisi y’u Rwanda yatangaje ko yataye muri yombi umushoferi witwa Gashema Tumani imukurikiranyeho icyaha cyo gutanga ruswa kugira ngo ikamyo atwara ifite ibibazo birimo gucomoka feri ihabwe icyangombwa cy’ubuziranenge. Umuvugizi wa Polisi mu ntara y’iburasirazuba, SP Twizeyimana Hamduni yasobanuye ko tariki ya 7 Ukwakira, Gashema yajyanye iyi kamyo ku kigo gishinzwe gusuzuma imikorere y’ibinyabiziga i […]

General Otafiire yabujije Polisi kongera gufunga itabanje gukora iperereza ryimbitse

Minisitiri w’umutekano w’imbere wa Uganda, Maj. Gen. Kahinda Otafiire yanenze inzego z’ubutabera by’umwihariko Polisi y’igihugu zifunga zitabanje gukora iperereza ryimbitse. Uyu muyobozi yavuze ko hari ubwo Polisi isanzwe ifite mu nshingano ubugenzacyaha ihabwa amakuru, ikihutira guta muri yombi mbere yo gukora iperereza, yemeza ko batanu mu icumi (5/10) bafungwa kandi ari abere. Muri ubu butumwa […]

St Petersburg mu Burusiya: Amafaranga yari azakoreshwa kuri Noheli n’Ubunani azahabwa abari ku rugamba

Ubuyobozi bw’intara ya Saint Petersburg mu Burusiya bwafashe icyemezo cyo guhagarika kwizihiza ibirori bya Noheli n’umwaka mushya (Ubunani), busobanura ko amafaranga yari azifashishwa azahabwa abari ku rugamba muri Ukraine. Nk’uko ibiro ntaramakuru by’u Burusiya, TASS, bibisobanura, ubuyobozi bw’iyi ntara bwasohoye itangazo ribisobanura riti: “Mu nama ya Guverineri Alexander Beglov n’abayobozi mu ntara, hafashwe icyemezo cyo […]

Nyuma yo gufungurwa, Ndimbati yasubukuye umukino w’urwenya

Uwihoreye Jean Bosco Moustapha uzwi nka Ndimbati mu rwenya nyarwanda yasubukuye uyu mukino nyuma y’iminsi irindwi afunguwe n’ubuyobozi bwa gereza ya Nyarugenge. Ndimbati yagarutse mu rwenya rw’uruhererekane rwa Papa Sava rutegurwa n’umukinnyi mugenzi we Niyitegeka Gratien. Mu gace k’uru rwenya rwasohotse kuri uyu wa 7 Ukwakira 2022, Ndimbati agaragara yakinnye umwanya w’umusaza w’umunyamururumba. Urukiko rwisumbuye […]

IMF igiye kuguriza u Rwanda amafaranga miliyari zisaga 300

Ikigega mpuzamahanga cy’imari, IMF, cyemeye guha Leta y’u Rwanda inguzanyo y’amadolari ya Amerika agera kuri miliyoni 310 yo kurufasha guhangana n’imihindagurikire y’ibihe. Umuyobozi w’intumwa za IMF zoherejwe mu Rwanda muri gahunda yo gusuzuma uburyo inguzanyo yayo izakoreshwa, Haimanot Teferra, ni we wemeje aya makuru nk’uko ikinyamakuru The Bloomberg cyabitangaje kuri uyu wa 7 Ukwakira 2022. […]

Biden yateguje ko Putin ashobora gukoresha intwaro kirimbuzi kuko ‘adakina’

Perezida wa Leta zunze ubumwe za Amerika (USA), Joe Biden, yateguje ko mugenzi we uyobora u Burusiya, Vladimir Putin, ashobora gutegeka ko mu ntambara iri kubera muri Ukraine hakoreshwa intwaro kirimbuzi, kuko ngo ntaba akina iyo abivuga. Mu nama y’ishyaka Democrate riri ku butegetsi, kuri uyu wa 6 Ukwakira 2022 Biden yavuze ko Isi ishobora […]

Abarundi baratangira kujya basabira ibyangombwa by’inzira kuri interineti

Umuvugizi wa Perezida w’u Burundi, Alain Diomède Nzeyimana, yateguje Abarundi ko guhera mu cyumweru gitaha bazajya basabira ibyangombwa by’inzira kuri interineti. Ubutumwa yatangaje kuri uyu wa 6 Ukwakira 2022 bugira buti: “Guhera mu cyumweru gitaha, gusaba ibyangombwa by’inzira bizajya bikorerwa kuri interineti kandi abasaba bazajya bategereza mu gihe bitunganwa. Nta kongera gutonda imirongo ku biro […]

Joe Biden yategetse ko abakoresha urumogi batakongera gufungwa

Perezida wa Leta zunze ubumwe za Amerika, Joe Biden, yategetse ko abakoresha cyangwa abatunga ikiyobyabwenge cya Marijuana cyangwa urumogi batakongera gufungwa. Ni itegeko rigaragara mu butumwa uyu Mukuru w’Igihugu yatangarije ku rubuga rwa Twitter kuri uyu wa 6 Ukwakira. Yagize ati: “Nk’uko nabivuze mbere, nta muntu ukwiye gufungwa kubera gukoresha cyangwa gutunga marijuana. Uyu munsi […]