Author: TUYIZERE JD

Impyiko y’ingurube yatewe mu muntu birakunda

Muri Leta Zunze Ubumwe za Amerika (USA), itsinda ry’abaganga bakoraga ubushakashatsi ryateye impyiko y’ingurube mu muntu, bikunda nta ngorane zihabaye. Ibiro Ntaramakuru by’Abanyamerika (Associated Press) bivuga ko iri geregeza ryakorewe mu ivuriro rya Kaminuza ya New York ryitwa Langone Health, rikaba ryatwaye iminsi irenga ibiri kugira ngo imitsi ye iteranywe n’iyi mpyiko. Muganga Dr Robert […]

Impinduka mu masomo yigishwa mu mashuri yisumbuye

Mu Igazeti ya Leta nimero idasanzwe yo ku wa 20/10/2021 hasohotse iteka N° 002/MINEDUC/2021 rya Minisitiri w’Uburezi rishyiraho integanyanyigisho mu mashuri y’uburezi bw’ibanze bw’inyigisho rusange, mbonezamwunga n’iz’imyuga n’ubumenyi ngiro. Iri teka rigaragaza impinduka mu masomo yigishwa mu mashuri yisumbuye, by’umwihariko mu cyiciro cya kabiri cyayo (Upper Secondary). Nko mu mashuri yisumbuye mu nyigisho rusange, bigaragara […]

Ikipe yakwifuza kugura abakinnyi babiri ba FC Barcelona, yasabwa kwishyura Frw arenga tiriyari ebyiri

Ikipe ya FC Barcelona yo muri Esipanye ikomeje kwiyubaka mu buryo burambye, yongera amasezerano n’abakinnyi bayo bakiri bato, batanga icyizere cy’ahazaza, ku buryo indi kipe yabifuza byayigora bigendanye n’ubushobozi bw’amafaranga. Tariki ya 14 Ukwakira 2021, FC Barcelona yatangaje ko igiye kuvugurura amasezerano yayo na Pedro González Lopez uzwi nka Pedri, akazageza tariki ya 30 Kamena […]

Guverinoma yamaganye ukwinjira kw’ingabo z’u Rwanda_Minisitiri Muyaya

Minisitiri ushinzwe itumanaho akaba n’Umuvugizi wa Guverinoma ya Repubulika ya Demukarasi ya Congo (RDC), Patrick Muyaya avuga ko bamaganye ukwinjira kw’ingabo z’u Rwanda ku butaka bw’igihugu cyabo guherutse kuba. Minisitiri Muyaya yabitangarije mu ijambo yagejeje ku itangazamakuru ryerekeye gahunda za Guverinoma, i Kinshasa kuri uyu wa 20 Ukwakira 2021. Ubwo yabazwaga kuri iri kosa ingabo […]

Perezida wa Koreya y’Epfo yagaragaye mu ndege y’intambara

Perezida wa Repubulika ya Koreya y’Epfo, Moon Jae-in yagaragaye mu ndege y’intambara yo mu bwoko bwa FA-50 Fighting Eagle yakorewe mu gihugu cye. Uyu Mukuru w’Igihugu yagaragaye kuri uyu wa 20 Ukwakira 2021 ubwo yari yitabiriye imurika ry’intwaro zitandukanye ryabereye mu murwa mukuru, Seoul. Perezida Moon yageze ku kibuga cy’indege muri Seoul hamaze icyumweru habera […]

Perezida Ndayishimiye aragirira uruzinduko muri Tanzania

Biteganyijwe ko Perezida wa Repubulika y’u Burundi, Evariste Ndayishimiye aragirira uruzinduko rw’iminsi itatu muri Tanzania, ruzatangira tariki ya 22 Ukwakira 2021. Muri uru ruzinduko ruzarangira tariki ya 24 Ukwakira, Perezida Ndayishimiye azakirwa na mugenzi we, Samia Suluhu Hassan ku biro bye mu murwa mukuru wa Tanzania, i Dodoma, baganire ibirebana n’umubano w’ibihugu byombi. Uru ruzindo […]

Ubwiyongere bwa Covid-19 mu Bwongereza bwatumye Maroc ihagarika ingendo z’indege zijya n’izivayo

Guverinoma ya Maroc yatangaje ko guhera mu ijoro ry’uyu wa 20 Ukwakira 2021 ihagarika ingendo z’indege zijya n’iziva mu Bwongereza bitewe n’ubwandu bw’icyorezo cya Covid-19 bukomeje kwiyongera muri iki gihugu cyo ku mugabane w’Uburayi. Iki gihugu cyari cyaroroheje ingamba zose zo kwirinda iki cyorezo, kikemerera abakunzi b’umupira w’amaguru kujya ku masitade kiri cyongeye kwibasirwa cyane, […]

Ubushinjacyaha bwajuririye ibihano Rusesabagina n’abandi 20 bakatiwe

Ubushinjacyaha bw’u Rwanda bwamaze kujuririra ibihano urukiko rwakatiye Paul Rusesabagina, Nsabimana Callixte (Major Sankara) n’abandi 19 bareganwaga ibyaha by’iterabwoba. Tariki ya 20 Nzeri 2021 ni bwo Urukiko Rukuru, urugereko rwihariye ruburanisha ibyaha mpuzamahanga n’ibyambukiranya imipaka rwakatiye Rusesabagina n’abo bareganwaga ibihano bitandukanye bigendanye n’ibyaha byahamye buri umwe. Rusesabagina yakatiwe igifungo cy’imyaka 25, mu gihe Ubushinjacyaha bwari […]

Abadepite ntibumva ukuntu hari abamara umwaka muri gereza bataraburanishwa

Bamwe mu badepite mu Nteko Ishinga Amategeko y’u Rwanda basabye Minisiteri y’Ubutabera gusobanura impamvu hari abamara igihe kirenga umwaka bafungiwe mu magereza, kandi bataraburanishwa. Aba badepite bavuga ko ubutabera buba butakurikije amategeko agenga imiburanishirize y’imanza iyo abafunzwe bamaze iki gihe cyose bataragezwa mu nkiko. Nka Hon. Veneranda Nyirahirwa mu nkuru ya Flash FM, yatanze urugero […]

Imyaka 10 irashize Col. Gaddafi yishwe, umuryango we ntuzi aho yashyinguwe

Imyaka 10 irashize uwari Perezida wa Libya kuva mu 1942, Col. Muammar Gaddafi yishwe n’abarwanyaga ubutegetsi bari bashyigikiwe n’ingabo z’umuryango NATO. Tariki ya 20 Ukwakira 2011 byatangajwe ko Col. Gaddafi yiciwe ku ivuko mu mujyi wa Sirte aho yari yahungiye imirwano ikaze yari imaze amezi ibera muri Benghazi no mu murwa mukuru wa Libya, Tripoli. […]

Umudepite arasaba Minisitiri w’Ingabo gusobanura uko abasirikare ba RDF binjiye muri RDC

Umudepite wo muri Repubulika ya Demukarasi ya Congo (RDC) arasaba Minisitiri w’Ingabo, Gilbert Kabanda, gusobanurira Inteko Ishinga Amategeko uburyo abasirikare b’u Rwanda binjiye ku butaka bw’igihugu cyabo. Ni amagambo yatangaje nyuma y’aho mu gitondo cyo ku wa 18 Ukwakira 2021, hari abasirikare b’u Rwanda binjiye muri Gurupoma ya Buhumba, muri Teritwari ya Nyiragongo. Uyu mudepite, […]

Uganda: Abapolisi basabwe kuba maso nyuma y’impuruza y’u Bwongereza n’u Bufaransa

Umuyobozi Mukuru wa Polisi ya Uganda, IGP Martins Okoth Ochola yasabye abapolisi bari mu mutwe ushinzwe kurwanya no gukumira ibikorwa by’iterabwoba kuba maso, bakagenzura imfuruka zose. IGP Ochola yatanze ubu butumwa nyuma y’iminsi mike Guverinoma y’u Bwongereza n’iy’u Bufaransa zisabye abaturage bazo baba muri Uganda kwirinda mu gihe bari ahahurira abantu banshi by’umwihariko ahasurwa n’abanyamahanga […]

Indege yagurumanye, abagenzi 21 bari bayirimo bose bararokoka

Indege yo mu bwoko bwa McDonnell Douglas MD-87 yakoreye impanuka mu hafi y’ikibuga cy’indege cya Houston Executive Aiport muri Leta ya Texas muri Leta Zunze Ubumwe za Amerika, iragurumana ariko abagenzi bose bari bayirimo bararokoka. Amashusho agaragaza iyi ndege yaguye mu isambu mu gace ka Waller ivuye kuri iki kibuga cy’indege kuri uyu wa 19 […]

Perezida Museveni yamuritse igifaru cyakorewe muri Uganda

Perezida wa Repubulika ya Uganda akaba n’Umugaba w’Ingabo w’Ikirenga, Yoweri Kaguta Museveni yamuritse imodoka y’intambara (igifaru) cyitwa ‘Chui’ cyakorewe mu gihugu cye. Uyu muhango wabaye kuri uyu wa 18 Ukwakira 2021, nk’uko byatangajwe n’Umugaba w’Ingabo zirwanira ku butaka, Lt. Gen. Muhoozi Kainerugaba. Gen. Kainerugaba mu butumwa yanyujije ku rukuta rwa Twitter kuri uyu wa 19 […]

Ubwato bw’intambara bwa USA bumaze iminsi muri Mozambique

Ubwato bw’intambara bw’ingabo za Leta Zunze Ubumwe za Amerika bwitwa USS Hershel Williams kiri mu murwa mukuru wa Mozambique, Maputo guhera tariki ya 15 Ukwakira 2021. Amakuru aturuka muri Ambasade ya USA muri Mozambique avuga ko ubu bwato bwahagejejwe n’itsinda ry’abasare bari kugirira uruzinduko rw’akazi muri iki gihugu kiri mu majyepfo ya Afurika. Muri uru […]

Ingabo za Ethiopia ‘zarashe’ ku igorofa ikoreramo TPLF n’abakozi ba UN

Kuri uyu wa 18 Ukwakira 2021, umutwe witwaje intwaro wa TPLF uharanira ubwigenge bw’akarere ka Tigray muri Ethiopia zashinje ingabo za Leta kugaba igitero mu murwa mukuru waho, Mekelle. Ni amakuru Guverinoma ya Ethiopia iyobowe na Abiy Ahmed yabanje guhakana ariko aza kwemezwa nyuma, ubwo hatangazwaga batatu baguye muri iki gitero n’abahakomerekeye. Igitangazamakuru cya Leta […]

Abikingiza Covid-19 bararwara, bamwe bagapfa_CPG Bunyoni aburira Abarundi

Minisitiri w’Intebe w’u Burundi, CPG Alain-Guillaume Bunyoni yaburiye Abarundi bifuza kwingiza icyorezo cya Covid-19 ko hari ababikora bakarwara cyangwa bagapfa, bityo uwifuje kubikora agomba kwirengera izi ngaruka. CPG Bunyoni yabitangarije mu Ntara ya Rutana avukamo tariki ya 17 Ukwakira 2021 mbere y’uko abatuye mu Burundi babyifuza batangira kwikingiza iki cyorezo ku bushake, kuri uyu wa […]

UN mu nyigo y’uko amafaranga agenerwa RDF mu butumwa bw’amahoro yakongerwa

Umuryango w’Abibumbye (UN) wohereje itsinda ry’impuguke mu Rwanda ziga ku buryo amafaranga agenerwa ingabo ziri mu butumwa bwayo bw’amahoro zirimo izi’iki gihugu yakongerwa. Nk’uko Minisiteri y’ingabo yabitangaje, izi mpuguke ziyobowe na Michael Mulinge Kitivi ziri mu Rwanda kuva kuri uyu wa 18 kugeza ku wa 21 Ukwakira 2021. Zaje gusuzuma ubushobozi ingabo z’u Rwanda zikoresha […]

FARDC ivuga ko abasirikare bayo barasanye n’aba RDF bisanze muri RDC

Umuvugizi w’akarere ka gisirikare ka 34 muri Repubulika ya Demukarasi ya Congo, Lt Col Guillaume Njike Kaiko amaze gutangaza ko abasirikare babo barasanye by’igihe gito n’ab’u Rwanda bisanze ku butaka bw’igihugu cyabo. Col. Njike yatangaje ati: “Habayeho ukwinjira kw’abasirikare b’u Rwanda muri Kibumba mu gitondo cyo kuri uyu wa Mbere. Basubijwe inyuma n’igisirikare cya RDC […]

Ambasaderi Nyamitwe yakuwe muri Perezidansi, ahabwa indi nshingano

Perezida wa Repubulika y’u Burundi, Evariste Ndayishimiye kuri uyu wa 18 Ukwakira 2021 yahinduriye inshingano Ambasaderi Willy Nyamitwe wakoraga mu biro bye kuva yajya ku butegetsi muri Kamena 2020. Nk’uko bigaragara mu itangazo ry’ibiro by’Umukuru w’u Burundi, Ambasaderi Nyamitwe yagizwe Umuyobozi Mukuru w’urwego rw’igihugu rushinzwe itumanaho, CNC. Yasimbuye Nestor Bankumukunzi. Ambasaderi Nyamitwe yari asanzwe ayoboye […]

Abanyamakuru Niwemwiza na Isheja bibarutse ubuheta

Umunyamakuru Anne Marie Niwemwiza wa KT Radio na Sandrine Isheja Butera wa Kiss FM bibarutse ubuheta kuri uyu wa 17 na 18 Ukwakira 2021. Kuri iki Cyumweru tariki ya 17 ni bwo hamenyekanye inkuru y’uko Niwemwiza wamamariye mu biganiro nka Ubyumva Ute? n’Urukumbuzi yibarutse umwana wa kabiri we n’umugabo we, Martin Nyirijabo usanzwe ari umunyamakuru […]

Imyaka 14 irashize umuhanzi Lucky Dube yishwe n’abavuga ko bamukundaga

Imyaka 14 irashize umuhanzi wari icyamamare mu njyana ya Reggae, Lucky Philip Dube ukomoka muri Afurika y’Epfo, yiciwe mu gace ka Rosettenville mu mujyi wa Johannesburg n’abajura bavuga ko bamukundaga. Uyu muhanzi yishwe tariki ya 18 Ukwakira 2007 ubwo yari mu modoka ihenze yo mu bwoko bwa Chrysler 300c amaze kugeza abana be babiri kwa […]

Ifungurwa rya Dr Habumuremyi, Igikomangomakazi Sumaya muri RAEB n’ikatirwa rya Jado Castar mu nkuru z’icyumweru gishize

Icyumweru gishize cyatangiye tariki ya 11 Ukwakira 2021 cyaranzwe n’inkuru nyamukuru zitandukanye, zirimo izirebana n’ubutabera, politiki n’umutekano. Muri zo harimo: Ifungurwa rya Dr Habumuremyi Dr Habumuremyi wabaye Minisitiri w’Intebe yafunguwe tariki ya 14 Ukwakira nyuma y’umwaka n’amezi atatu yari afungiwe muri gereza, hashize amasaha make ahawe imbabazi na Perezida Paul Kagame. Uyu munyapolitiki wari ufungiwe […]

Abasazi ni bo barota kuturwanya_Umuhungu wa Museveni arata igisirikare cya Uganda

Umuhungu wa Yoweri Museveni uyobora Repubulika ya Uganda usanzwe ari umugaba w’ingabo zirwanira ku butaka, Lt. Gen. Muhoozi Kainerugaba avuga ko igisirikare cyabo (UPDF) gikomeye ku buryo abarota kukirwanya ari abasazi gusa. Gen. Kainerugaba mu butumwa yatangarije kuri Twitter kuri uyu wa 17 Ukwakira 2021, yagize ati: “UPDF ni kimwe mu bisirikare bikomeye ku Isi. […]

N’iyo yajya yigisha ariko ntatoze, icyo dukeneye ni intsinzi_Gen. Muganga ku mutoza Adil

Umuyobozi Mukuru wa APR FC, Lt. Gen. Mubarakh Muganga avuga ko iyi kipe inyuzwe n’ibyo umutoza wayo Mohammed Adil Erradi amaze kuyigezaho, ku buryo n’iyo ngo yaba yigisha gusa ariko ntatoze ariko intsinzi ikaboneka byaba bihagije. Gen. Muganga yabisubije itangazamakuru nyuma y’umukino w’ijonjora rya kabiri rya CAF Champions League APR FC yari imaze kunganyamo na […]

Imitwe irwanya ubutegetsi ifite intwaro nyinshi kurusha ingabo za Leta_Perezida Touadéra

Perezida wa Repubulika ya Centrafrika, Faustin-Archange Touadéra yatangaje ko imitwe yitwaje intwaro irwanya ubutegetsi bwe ifite intwaro nyinshi kurusha ingabo za Leta. Perezida Touadéra yabitangarije mu murwa mukuru, Bangui, asubiza ko yagombaga gukora ibishoboka byose kugira ngo agarure amahoro n’umutekano mu gihugu cye cyibasiwe n’iyi mitwe kuva mu 2013. Umunyamakuru Alain Foka wa radiyo mpuzamahanga […]

Dr Habumuremyi yandikiye muri gereza igitabo cya paji 400

Dr Pierre Damien Habumuremyi wabaye Minisitiri w’Intebe n’Umuyobozi Mukuru w’urwego rw’igihugu rushinzwe intwari, impeta n’imidali y’ishimwe, yatangaje ko mu gihe kirenga umwaka yamaze muri gereza ya Nyarugenge yanditse igitabo cya paji 400. Dr Habumuremyi yabitangaje ubwo we n’abandi bayobozi bizihirizaga isabukuru y’imyaka 25 umuryango Unity Club Intwararumuri umaze ubayeho, waberaga muri Intare Arena. Ni umuhango […]

Burundi: Leta yaburijemo umuhango w’isabukuru ya AIM Global, ngo ibyayo ntibisobanutse

Minisitiri w’ubutegetsi, umutekano n’iterambere mu Burundi, Gervais Ndirakobuca yaburijemo umuhango w’isabukuru y’imyaka ibiri umuryango Alliance in Global umaze mu gihugu. Mu itangazo Minisitiri Ndirakobuca yashyizeho umukono ku wa 17 Ukwakira 2021, yasobanuye ko uyu muryango ugaragara mu buryo bubiri butera urujijo. Ngo ku ruhande rumwe ni Sprl, urundi ni Asbl. [SPLR: Société Privée à Responsabilité […]

Ethiopia: Umutwe wa TPLF uvuga ko wafashe mpiri abandi basirikare ba Leta benshi

Umutwe witwaje intwaro wa TPLF uharanira ubwigenge bw’akarere ka Tigray uvuga ko wafashe mpiri abandi basirikare ba Leta ya Ethiopia benshi, unasenya burundu ibirindiro byazo byinshi. Nk’uko Getachew Reda uvugira TPLF yabitangaje, ibirindiro abarwanyi b’uyu mutwe byasenywe biherereye mu gice cy’uburasirazuba, by’umwihariko ibyoherejwemo ingabo z’inyongera zo kuwurwanya. Getachew wigeze kuba Minisitiri w’Itumanaho wa Ethiopia mu […]

Perezida Touadéra wa CAR yahagaritse intambara ku nyeshyamba zimurwanya

Perezida wa Repubulika ya Centrafrika, Faustin-Archange Touadéra ku wa 15 Ukwakira 2021 yatangaje ku mugaragaro ko ahagaritse intambara ku mitwe yitwaje intwaro irwanya ubutegetsi bwe. Uyu Mukuru w’Igihugu mu ijambo yatangarije kuri televiziyo, yasobanuye ko yafashe iki cyemezo kigamije guha umwanya ibiganiro by’amahoro hagati ya Leta n’iyi mitwe yitwaje intwaro iyirwanya. Ibi biganiro nabyo abyitezeho […]

Zimbabwe: Abakozi ba Leta batikingije Covid-19 ntibazongera guhembwa

Leta ya Zimbabwe yafashe icyemezo cyo kutazongera guhemba abakozi bayo batikingije icyorezo cya Covid-19 mbere y’igihe ntarengwa yari yarabahaye. Tariki ya 14 Nzeri 2021, abakozi ba Leta batarikingiza iki cyorezo bari bahawe ukwezi kumwe ko kuba bamaze kwikingiza; kwagombaga kurangira tariki ya 14 Ukwakira. Byari bigendanye n’intego iki gihugu cyihaye yo gukingira byibuze 60% muri […]

RDC: Abofisiye 6 bakatiwe bazira kunyereza amafaranga y’igihugu

Urukiko rwa gisirikare rwa Ituri muri Repubulika ya Demukarasi ya Congo (RDC) rwakatiwe abofisiye bane igifungo cy’imyaka 10, abandi babiri rubakatira icy’amezi 12; bose bazira kunyereza amafaranga y’igihugu. Aba bofisiye batawe muri yombi nyuma y’ubugenzuzi bwakozwe n’Umugenzuzi Mukuru w’igisirikare, Gen. Gabriel Amisi Kumba ku ikoreshwa nabi ry’amafaranga yagenewe ibihe bidasanzwe muri Ituri byatangiye muri Gicurasi […]

Abayobozi bo mu Rwanda n’abo mu Burundi bazajya bahura buri mezi atatu

Abayobozi b’uturere twa Rusizi mu Ntara y’Uburengerazuba mu Rwanda na Rugombo mu Ntara ya Cibitoke mu Burundi, biyemeje kujya bahura buri mezi atatu kugira ngo basuzume aho ibibazo bikunze gutera amakimbirane hagati y’abatuye mu bihugu byombi bigeze bikemuka. Ni icyemezo cyafashwe ubwo Guverineri w’Intara y’Uburengerazuba n’itsinda ryari ry’abamuherekeje, Habitegeko François n’uwa Cibitoke, OPC Bizoza Carême […]

Perezida Ndayishimiye yategetse ko abahombeje Leta Fbu miliyari 54 bagaragara, bakayariha

Perezida wa Repubulika y’u Burundi, Evariste Ndayishimiye, yategetse ko abantu bose bagize uruhare mu ikoreshwa nabi ry’amafaranga y’Amarundi miliyari 54 yari yaragenewe kubaka urugomero rw’amashanyarazi rwa Mpanda, bagaragara, bakayasubiza Leta. Uyu Mukuru w’Igihugu yatanze iri tegeko kuri uyu wa 15 Ukwakira 2021 ubwo yari yasuye uruzi rwa Mpanda ruherereye muri Komini Musigati mu Ntara ya […]

Gicumbi FC itwaye igikombe itsinze penaliti 14

Mu mukino wa shampiyona y’icyiciro cya kabiri, Gicumbi FC itwaye igikombe itsinze Etoile de l’Est iyigwa mu ntege penaliti 14 kuri 13. Umukino warangiye amakipe yombi anganya ibitego 2-2 birimo icyo Mudahemuka Claude na Gahamanyi Bonifaceba Etoile batsinze ku munota wa 28 n’uwa 90 n’icyo Dusange Bertin na Okenge Lulu Kevin ba Gicumbi FC batsinze […]

Mu Bwongereza: Laboratwari yafunzwe izira gutanga ibisubizo 43,000 bya Covid-19 bitari ukuri

Laboratwari yigenga Immensa Health Clinic yo mu mujyi wa Wolverhampton mu burengerazubwa bw’u Bwongereza ipima icyorezo cya Covid-19, yahagaritswe izira gutanga ibisubizo bitari ukuri. Sky News dukesha iyi nkuru ivuga ko iyi labotwari yafashe ibipimo abantu 400,000, abagera ku 43,000 ibisubizo bigaragaza ko nta bwandu bafite (Covid-19 Negative) hagati ya tariki ya 8 na 12 […]

Amakosa nakoze ntazongera_Dr Habumuremyi asezeranya Perezida Kagame

Dr Pierre Damien Habumuremyi wabaye Minisitiri w’Intebe n’umuyobozi mukuru w’urwego rw’igihugu rushinzwe impeta n’imidali y’ishimwe yasezeranyije Perezida Paul Kagame ko amakosa yamufungishije atazayasubira. Iri ni ijambo rya mbere Dr Habumuremyi yatangarije ku rukuta rwe rwa Twitter ubwo yari amaze gusohoka muri gereza ya Nyarugenge yari amaze igihe kirenga umwaka afungiwemo, azira icyaha cyo gukoresha sheik […]

U Bwongereza bwatanze impuruza ko Uganda yaba igiye kugabwamo ibitero

Guverinoma y’u Bwongereza kuri uyu wa 14 Ukwakira 2021 yatanze impuruza ko Uganda yaba igiye kugabwamo ibitero by’iterabwoma. Itangazo ryayo risaba Abongereza baba muri Uganda kuba maso muri iki gihe, cyane cyane bari mu ruhame nko mu mahoteli, muri za gare z’imodoka, muri resitora, mu tubari, ahakorerwa siporo no mu nsengero. Ntabwo iyi guverinoma yahishuye […]

Umujyi wa Paris wahaye Dr Mukwege ishimwe rikomeye, wiyemeza gushyigikira ibikorwa bye

Umuyobozi w’umujyi wa Paris mu Bufaransa, Anne Hidalgo yashyikirije muganga wamamaye muri Repubulika ya Demukarasi ya Congo (RDC), Dr Denis Mukwege ishimwe rya sitati y’Ubwenegihugu bw’Icyubahiro (Citoyen d’Honneur). Dr Mukwege yahawe iri shimwe hashingiwe ku cyemezo cy’inama y’abayobozi b’umujyi wa Paris yari imaze gufata kuri uyu wa 14 Ukwakira 2021. Nk’uko Anne yabitangarije kuri Twitter, […]

U Burundi bugiye guca bimwe mu binyobwa bifite ubukana burenze 20%

Minisiteri y’ubutegetsi, umutekano n’iterambere ry’abaturage mu Burundi, yatangaje ko igiye guca ibinyobwa bifite ubukana burenze 20% bipfundikirwa mu macupa ya pulasitiki (plastics). Itangazo iyi Minisiteri yashyize hanze kuri uyu wa 14 Ukwakira 2021 risobanura ko iki cyemezo cyafashwe bitewe na bamwe mu baturage bamaze igihe babisaba, bashingiye ku ngaruka izi nzoga zigira ku buzima, bigatuma […]

Abandi bakomando b’abacancuro baturutse mu Burusiya biciwe muri CAR

Abarwanyi b’umutwe witwaje intwaro wa 3R urwanya ubutegetsi bwa Repubulika ya Centrafrika (CAR) bishe abakomando batanu (5) b’abacancuro baturutse mu Burusiya, bakorera ikigo cya Wagner Group. Ibitangazamakuru byo muri CAR bivuga ko aba bakomando biciwe mu gico baguyemo mu gace ka Banga, mu ntara ya Mambéré-Kadéï ku gicamunsi cyo ku wa 11 Ukwakira 2021. Icyo […]

Gen. Mbala uyobora ingabo za RDC yasuye u Burundi

Umugaba Mukuru w’ingabo za Repubulika ya Demukarasi ya Congo, Gen. Célestin Mbala yasuye u Burundi kuri uyu wa 14 Ukwakira 2021. Igisirikare cy’u Burundi cyemeje inkuru y’uru ruzinduko, kivuga ko Gen. Mbala n’itsinda ry’abasirikare bakuru bari bamuherekeje bakiriwe na mugenzi we, Maj. Gen. Prime Niyongabo wari kumwe n’abandi basirikare bakuru. Aba basirikare ba RDC n’ab’u […]

Kabale: Barasaba Museveni gusubukura ibiganiro na Kagame

Abaturage n’abayobozi mu nzego zitandukanye mu Karere ka Kabale muri Uganda, barasaba Perezida wabo gusubukura ibiganiro na mugenzi we w’u Rwanda, Paul Kagame kugira ngo umubano w’ibi bihugu bituranye wongere kuba mwiza, imipaka ibihuza nayo ifungurwe. Perezida w’inama njyanama ya Lyakarimira, Enock Kazooba yabwiye Chimpreports dukesha iyi nkuru ko yizeye ko aba bakuru b’ibihugu bongera […]

Komanda w’ingabo za Mozambique avuga ko urugamba rwo kurwanya ibyihebe rushobora kuzamara n’imyaka itatu

Umugaba Mukuru w’ingabo za Mozambique, Maj. Gen. Cristóvão Chume avuga ko byashoboka ko urugamba rwo kurwanya intagondwa z’umutwe witwaje w’iterabwoba wegamiye kuri Islamic State rushobora kumara igihe kigera no ku myaka itatu. Yabitangarije mu kiganiro yagiranye n’itangazamakuru, nyuma y’inama we n’abandi basirikare bakuru bagiranye n’ab’u Rwanda hamwe n’ab’umuryango SADC bari mu butumwa bw’amahoro mu gihugu […]

RMC yatangaje ko Cyuma Hassan atari umunyamakuru w’umwuga

Urwego rw’abanyamakuru bigenzura, RMC, rwongeye gutangaza ko nyiri shene ya YouTube yitwa Ishema TV, Niyonsenga Dieudonne uzwi nka Cyuma Hassan atari umunyamakuru w’umwuga. Itangazo ryashyizwe ahabona n’Umunyamabanga Nshingwabikorwa w’uru rwego, Mugisha Emmanuel kuri uyu wa 14 Ukwakira 2021, rigira riti: “Urwego rw’abanyamakuru bigenzura, RMC, rurongera kwibutsa bose ko uwitwa Niyonsenga Dieudonne wiyita Cyuma Hassan atari […]

Etoile de l’Est ngo yiteguye gutsinda amakipe yose, havuyemo 6

Umunyamabanga Mukuru wa Etoile de l’Est yo mu Karere ka Ngoma, Byukusenge Elie yatangaje ko iyi kipe ayoboye yiteguye gutsinda amakipe yose yo muri shampiyona y’icyiciro cya mbere, havuyemo atandatu. Amakipe atari mu yo abona Etoile yatsinda ni: APR FC, Rayon Sports, Kiyovu Sports, Police FC, A.S Kigali n’indi ya gatandatu atavuze. Mu kiganiro yagiriye […]

Gen. Muganga arasaba APR FC gutsindira Etoile i Kigali

Umuyobozi Mukuru wa APR FC, Lt. Gen. Mubarakh Muganga arasaba abakinnyi b’iyi kipe y’ingabo gutsindira Etoile du Sahel yo muri Tunisia i Kigali, mu ijonjora rya CAF Champions League. Ubu butumwa Gen. Muganga yabutanze ubwo yakurikiranaga imyitozo iyi kipe yakoreraga kuri sitade mpuzamahanga ya Kigali izahuriraho na Etoile ku wa 16 Ukwakira 2021. Yabwiye abakinnyi […]

Igikomangoma William gisaba abaherwe gukemura ibibazo byugarije Isi, mbere yo gushora imari mu isanzure

Igikomangoma William cy’ubwami bw’u Bwongereza kiragira inama abaherwe batunze za miliyari yo gukemura ibibazo byugarije Isi, mbere y’uko bishora imari mu bukerarugendo bwo mu isanzure. Ubu butumwa yabutangiye mu muhango wa Earthshot Prize wo guhemba abagerageza gukemura ibibazo byugarije Isi by’umwihariko abahangana n’imihindagurikire y’ikirere, wabaye ku nshuro ya mbere kuri uyu wa 13 Ukwakira 2021. […]

Byamaze kugaragara ko tutavuganye nabo bizatugora_Col. Rwivanga ku ngabo za SADC

Umuvugizi w’ingabo z’u Rwanda, Col. Ronald Rwivanga yatangaje ko ukutavugana kw’ingabo z’iki gihugu ziri mu butumwa bw’amahoro mu ntara ya Cabo Delgado muri Mozambique n’ingabo za SADC zikora ukwazo, byagaragaye ko byatuma ibikorwa byo kurwanya intagondwa z’umutwe w’iterabwoba wegamiye kuri IS no gucyura impunzi bigorana. Yabitangaje ubwo yasobanuraga impamvu yatumye abasirikare n’abapolisi bakuru b’u Rwanda […]

Mugabo yemereye mu rukiko ko ari mu bishe Chebeya n’umushoferi, ahishura uwabibategetse

Mugabo Jacques wabaye umupolisi muri Repubulika ya Demukarasi ya Congo (RDC) yemereye mu rukiko ko ari mu bishe impirimbanyi y’uburenganzira bw’ikiremwamuntu, Floribert Chebeya n’umushoferi we, Fidèle Bazana tariki ya 1 Kamena 2010. Mugabo ubwo yaburanishwaga mu rukiko rukuru rwa gisirikare ruri muri gereza ya Ndolo kuri uyu wa 13 Ukwakira 2021, yasobanuye uko iki cyaha […]

Abasirikare n’abapolisi bakuru b’u Rwanda, aba Mozambique n’aba SADC bahuriye mu nama

Abasirikare n’abapolisi bakuru b’u Rwanda, aba Mozambique n’ab’umuryango wa Afurika y’amajyepfo (SADC) bari mu butumwa bw’amahoro mu ntara ya Cabo Delgado, kuri uyu wa 13 Ukwakira 2021. Iyi nama yabereye mu mujyi wa Mocimboa da Praia yigaga ku buryo izi ngabo zose zahuza ibikorwa byo kurwanya umutwe w’iterabwoba wegamiye kuri IS (Islamic State). Iyi nama […]

Jado Castar wari Visi Perezida wa FRVB yakatiwe imyaka ibiri

Urukiko Rwisumbuye rwa Gasabo rwakatiye igifungo cy’imyaka ibiri Visi Perezida w’ishyirahamwe ry’umukino wa Volleyball mu Rwanda ushinzwe amarushanwa, wamamaye mu itangazamakuru ry’imikino, Bagirishya Jean de Dieu uzwi nka Jado Castar. Ni nyuma yo guhamwa icyaha cyo gukoresha inyandiko mpimbano yashinjwaga [na we yaje kwiyemerera ko yagikoze ariko ku nyungu z’igihugu, anagisabira imbabazi]. Iki cyaha Jado […]

Francine yasobanuye iby’ifoto ye yavugishije benshi

Hashize iminsi ibiri umukinnyi w’umukino wo kwiruka w’Umurundikazi, Francine Niyonsaba ukunze guhamagarwa Farah, ashyize ku mbuga nkoranyambaga ze amafoto abiri. Aya mafoto arimo imwe imugaragaza akora siporo yo guterura igikoresho kiremereye cyitwa altére bamwe bita icyuma mu mvugo rusange, ahandi akora siporo yo ya sit-up. Kuri aya mafoto, Fara yashyizeho ubutumwa bugira buti: “Ibiruhuko birarangiye. […]

Kayonza: Hari abanyeshuri bakoraga amaterasi babuze uko basubira ku ishuri

Abanyeshuri bo mu mashuri yisumbuye baturutse mu turere dutandukanye, bahamagariwe kujya mu Murenge wa Murama mu karere ka Kayonza gukora amaterasi y’indinganire mu biruhuko, baravuga ko babuze uko ku ishuri batarishyurwa amafaranga bakoreye. Umwe muri bo umunyamakuru wa RadioTV1 yaganiriye na bo, yagize ati: “Twaje kumva hano ko hari akazi, twumvishije ko hari akazi kandi […]

Umubyeyi avuga ko yakubiswe ubwo yasabiraga indezo mu bukwe bw’uwo babyaranye

Umubyeyi witwa Murebwayire Violette ashinja Padiri kumukubita no gusezeranyiriza Ndikubwimana Jean de Dieu mu bwihisho, ubwo yajyaga gusaba indezo n’amafaranga y’ishuri (minerivali) y’umwana umwe babyaranye. Murebwayire wicaye hejuru ku rupangu rwo hafi y’aho Padiri asezeranyirizamo Ndikubwimana, mu marira, mu mashusho ya BTN TV, yumvikana avuga ati: “Padiri yabahishe, reba ahantu bari gusezeranira! Nahayobewe, ntabwo wamenya […]

Ibihugu byohereza ingabo guhangana na Al Shabaab muri Somalia bigiye kongerwa

Umuryango wa Afurika Yunze Ubumwe (AU) ufite ubutumwa bw’amahoro muri Somalia bwitwa AMISOM ku bufatanye n’Umuryango w’Abibumbye (UN) urateganya kongera umubare w’ibihugu byohereza ingabo muri iki gihugu mu rwego rwo kongera imbaraga zo guhangana n’umutwe witwaje intwaro wa Al Shabaab. Uyu muryango wabitangaje mu gihe biteganyijwe ko ubu butumwa buzarangira tariki ya 31 Ukuboza 2021. […]

Igisubizo cya Perezida Kagame ku basaba ko Rusesabagina arekurwa hatitawe ku byaha yahamijwe

Ubwo yitabiraga mu buryo bw’ikoranabuhanga ikiganiro Global Security Forum 2021 cyerekeye umutekano mpuzamahanga cyateguriwe i Doha muri Qatar, Perezida Paul Kagame yabajijwe ku kibazo cy’umugororwa Paul Rusesabagina uherutse guhamwa ibyaha bibiri, agakatirwa igifungo cy’imyaka 25. Rusesabagina ufite ubwenegihugu bw’u Rwanda n’ubw’u Bubiligi, unafite uruhushya ruhoraho rumwemerera gutura muri Leta Zunze Ubumwe za Amerika (USA), tariki […]

Perezida Kagame abona amahoro arambye atazanwa n’ingabo z’amahanga cyangwa amafaranga

Perezida wa Repubulika y’u Rwanda, Paul Kagame yatangaje ko ibibazo by’umutekano muke mu gihugu runaka cyangwa akarere bidashobora kurangizwa mu buryo burambye n’ingabo z’ibihugu by’amahanga cyangwa se ingano y’amafaranga bitanga. Bikubiye mu ijambo yagejeje ku bitabiriye ikiganiro yatumiwemo cy’umutekano, Global Security Forum 2021 cyateguriwe i Doha muri Qatar n’ikigo The Soufan Center, cyabaye kuri uyu […]

Ingabo za Ethiopia zirashinjwa kugaba ibitero bikomeye kuri TPLF

Umutwe witwaje intwaro wa TPLF uharanira ubwigenge bw’akarere ka Tigray urashinja ingabo za Ethiopia kuwugaba ibitero bikomeye mu bice byose byo mu karere ka Amhara. Nk’uko BBC yabitangaje, Getachew Reda uri mu bayobozi bakuru ba TPLF avuga ko ingabo za Ethiopia zatangiye ibi bitero mu cyumweru gishize, ngo zikaba ziri gukoresha intwaro ziremereye, indege z’intambara […]

Perezida Putin w’u Burusiya yaba ategerejwe mu Rwanda mu minsi iri imbere

Perezida w’u Burusiya, Vladimir Putin biravugwa ko ashobora kugirira uruzinduko rukomeye mu Rwanda mu gihe kiri imbere. Ni amakuru yamenyekanye ubwo Minisitiri w’Ububanyi n’Amahanga w’u Rwanda, Dr Vincent Biruta yagiriraga uruzinduko mu Burusiya mu ntangiriro y’uzu kwezi, aho yakiriwe na mugenzi we, Sergei Lavrov. Muri uru ruzinduko, bombi baganiriye ibirebana n’umubano w’ibi bihugu n’ubufatanye mu […]